Шрифт өлчүсү:
А+
А
А-
06 Ијул 2017

Пејғәмбәрдән (с) һикмәтли кәламлар

Диләнчини әлибош гајтарма, һеч олмазса јарым дәнә хурма илә ону разы сал.
Мүсәлманы горхутмаг һеч бир мүсәлмана һалал дејил. Һеч бир мүсәлмана рәва дејил ки, үч ҝүндән артыг өз мүсәлман гардашындан ајры ҝәзсин. (күссүн) Сәрвәтли вә ја ишләмәк гүдрәти олан шәхсләрә сәдәгә һалал дејил. Нә гәдәр ки, бир кәсин гәлби дүзәлмәјиб, иманы да дүзәлмәз, нә гәдәр ки, бир кәсин дили дүзәлмәјиб, гәлби дә дүзәлмәз. Өзү үчүн истәдији хејри мөмин гардашы үчүн истәмәјән бәндәнин иманы јохдур.

Нә гәдәр ки, бир кәс она јетишән шејин гаршысыны алмаг вә она јетишмәјән шеји әлә ҝәтирмәк имканынын өз әлиндә олмадығыны дәрк етмәјиб, иманын һәгигәтинә чатмаз (јәни Аллаһын гәза вә гәдәринә иманлы олсун). Сизләрдән һеч биринин иманы дилинә һаким олмадығы мүддәтдә камил олмаз. Ҹамаата рәһм етмәјән шәхсә Аллаһ да рәһм етмәз. Мүмкүн дејил ки, мөмин тох олсун гоншусу аҹ. Һеч бир алим беһиштә чатана гәдәр елмдән дојмаз.

Рузиҝары сөјмәјин, чүнки, рузиҝар өзү елә Аллаһ демәкдир (јәни ишләрин тәгдири Аллаһын әмри иләдир). Өлүләри сөјмәјин ки, бу иш дириләрә әзијјәт верир. Өлүләри сөјмәјин, чүнки, онлар өзләриндән габаг ҝөндәрдикләринә чатыблар. Һеч кәс мөмин гардашынын һәдијјәсини гајтармасын, һәтта, имканы варса әвәзиндә о да һәдијјә етсин. Өзүн ҝејинмәдијин өзҝә палтарына әлини силмә. Диләнчини әлибош гајтарма, һеч олмазса јарым дәнә хурма илә ону разы сал. Мүсәлманларын гејбәтини етмәјин вә онларын ејибләрини ахтармајын. Һеч кәсин сирр пәрдәсини јыртмајын. Һеч бир јахшы әмәли кичик сајмајын. Елә ки, мөмин гардашына вәд вердин, она хилаф чыхма.


4092 بازدید
در حال ارسال اطلاعات...