Шрифт өлчүсү:
А+
А
А-
01 Ијул 2017

Имам Садигин (ә) дилиндән мүвәффәгијјәтин 25 јолу

Арамлығы ахтардым нәһајәт ону, сәбрли олмагда тапдым
Аллаһын ады илә!

1) Беһишти ахтардым нәһајәт ону, бағышламаг вә алиҹәнаблыгда тапдым;
2) Вә сағламлығы вә доғручулуғу ахтардым нәһајәт ону, (өзүнү ислаһ етмәк үчүн мүсбәт) кәнара чәкилмәкдә тапдым;
3) Вә (јахшы) әмәлләрин ағыр ҝәлмәси јолуну ахтардым нәһајәт ону, Аллаһ-Тааланын јеҝанәлијинә вә Ислам Пејғәмбәринин (с) рисаләтинә шәһадәт вермәкдә тапдым;
4) Вә Беһиштә сүрәтлә дахил олмаг јолуну ахтардым нәһајәт ону, бүтүн әмәлләрин халис Аллаһа хатир ҝөрүлмәсиндә тапдым;
5) Вә өлүмү ҝүләрүзлә гаршыламаг јолуну ахтардым нәһајәт ону, Аллаһ разылығына ҝөрә әввәлҹәдән Ахирәтә сәрвәт јолламагда (өлмәздән әввәл, инфаг-еһсан етмәкдә) тапдым;
6) Ибадәтин ширинлик јолуну ахтардым нәһајәт ону, ҝүнаһын тәрк олунмасында тапдым;
7) Гәлбин јумшалмасы јолуну ахтардым нәһајәт ону, оруҹлуг васитәси илә аҹлыг вә сусузлугда тапдым;
8) Гәлбин нурани олмасыны ахтардым нәһајәт ону, тәфәккүр едиб (Аллаһ горхусундан) ағламагда тапдым;
9) Сиратын көпрүсүндән асанлыгла кечмәк јолуну ахтардым нәһајәт ону, сәдәгә вермәкдә тапдым;
10) Чөһрәнин нурани олмасы јолуну ахтардым нәһајәт ону, ҝеҹә намазында тапдым;
11) Ҹиһадын фәзиләтини ахтардым нәһајәт ону, аилә-ушағын хәрҹы үчүн рузинин газанмасында тапдым;
12) Аллаһла дост олмағын јолуну ахтардым нәһајәт ону, ҝүнаһкарларла дүшмән олмагда тапдым;
13) Севимли вә еһтирамлы олмаг јолуну ахтардым нәһајәт ону, Аллаһ бәндәләринә хидмәт вә хејирхаһлыг етмәкдә тапдым;
14) Гәлбин сакитлијинин јолуну ахтардым нәһајәт ону, сәрвәтин азлығында тапдым;
15) Ән дәјәрли ишләри ахтардым нәһајәт ону, дөзүмлү олмагда тапдым;
16) Дәјәр вә гәдр-гијмәтин јолуну ахтардым нәһајәт ону, биликдә тапдым;
17) Ибадәти ахтардым нәһајәт ону, пәрһизкарлыгда тапдым;
18) Арамлығы ахтардым нәһајәт ону, сәбрли олмагда тапдым;
19) Үстүнлүк вә даһилик јолуну ахтардым нәһајәт ону, тәвазөкарлыгда тапдым;
20) Иззәт вә дәјәрлилик јолнуну ахтардым нәһајәт ону, доғрулуг вә дүзҝүнлүкдә тапдым;
21) Мүлајимлик вә бәндәчилик јолуну ахтардым нәһајәт ону, оруҹлугда тапдым;
22) Гүдрәтли вә дөвләтли олмаг јолуну ахтардым нәһајәт ону, гәнаәтдә тапдым;
23) Сакитчилик вә һәмдәм олмаг јолуну ахтардым нәһајәт ону, Гуран охумагда тапдым;
24) Ҹамаатла бир олуб, онларла дил тапмаг јолуну ахтардым нәһајәт ону, хошхасијјәтли олмагда тапдым;
25) Аллаһ разылығыны ахтардым нәһајәт ону, ата-анаја јахшылыгда тапдым;

(Мәнбә; Мүстәдрәкүл-Вәсаил; ҹ.12; сәһ:173-174; һ.13810)


4453 بازدید
در حال ارسال اطلاعات...