Шрифт өлчүсү:
А+
А
А-
09 Ијун 2017

ИХЛАС – ӨЗҮНҮТӘРБИЈӘНИН ХҮСУСИЈЈӘТЛӘРИ

Аллаһла инсанын өз арасында олан әлагә – зикр, дуа, диггәт, нафилә, ҝеҹә ибадәтләри, сүбһ тездән дурмаг, еһсан, јахшы ишләр
Өзүмүзү ислаһ етмәк үчүн диггәт етмәли олдуғумуз мәсәләләрдән бири, чох мүһүм хүсусијјәтләрдән бири, бәлкә һамысындан өндә ҝедәни ихласдыр. Ихлас иши халис ҝөрмәкдән, ҝөрдүјүмүз ишдә сахтакарлыға јол вермәмәкдән ибарәтдир. Бәзән елә олур ки, бир нәфәр ибадәт етмир. Бәзәнсә ибадәт едир, амма сахта, гејри-халис едир. Бу да онун кимидир. Ибадәтин халис олмасынын, әмәлин халис олмасынын мәнасы будур ки, Аллаһ үчүн олсун. Тәәссүфләр олсун ки, ҹамаат арасында јахшы ишләри дилә ҝәтирмәк, демәк, чох ҝениш һал алыб. Санки јахшы иши ҝизләмәјин лазым олдуғуну билмир. Дејирләр ки, биз филан иши ҝөрмәк истәјирик вә ја биз филан ишләри ҝөрүрүк. Әлбәттә, бәзи јерләрдә истиснадыр. Бәзи јерләрдә ашкар шәкилдә һәјата кечирилмәлидир. Сәдәгә илә бағлы рәвајәтләрдә дејилир ки, ҝизли сәдәгәнин бу савабы вар, ашкар сәдәгәнин исә бу савабы. Јахуд мисал үчүн, коллектив ибадәт ҹамаатын ҝөзү габағында һәјата кечир вә белә дә олмалыдыр. Бу, илаһи әламәтләрдән, нишанәләрдәндир. Амма ибадәтләрин чоху, Аллаһла инсанын өз арасында олан әлагә – зикр, дуа, диггәт, нафилә, ҝеҹә ибадәтләри, сүбһ тездән дурмаг, еһсан, јахшы ишләр – Аллаһла инсанын өз арасында да галмалыдыр. Инсан башгалары ҝөрсүн дејә бир иш ҝөрмәлидир. Инсан башгаларынын диггәтини өзүнә ҹәлб етмәк үчүн бир иш ҝөрүрсә, о иши ҝөрмәсә даһа јахшыдыр. Бу, о иши ҝөрмәкдән даһа писдир. Елә бил ки, бу иши ҝөрмәмишдир. Әлбәттә, даһа пис олмасынын сәбәби будур ки, ширкә алудә иш ҝөрмүшдүр вә бу ширкә алудә олан әмәл һарамдыр. Буна ҝөрә дә һамымыз һарда олуругса олаг, һансы вәзифәни тутуругса тутаг, чох чалышмалыјыг ки, ишимизи халис һәјата кечирәк.
Əҝәр иш Аллаһа ҝөрә олса, нијјәт Аллаһа ҝөрә олса, адәтән ишдә мүшаһидә олунан ирадлар да гаршыја чыхмаз. Биз һәгиги мәсләһәтләри о заман башгаларына гурбан веририк ки, бу вә ја диҝәр иши Аллаһдан гејриләринә ҝөрә һәјата кечиририк. Инсан иши Аллаһа ҝөрә јеринә јетирәрсә, јалныз вәзифәсинин нә олдуғуну дүшүнүр. Буну дүшүнмүр ки, кимин хошу ҝәләҹәк, кимин аҹығы ҝәләҹәк. Кимин јанында абыра минәҹәк, кимин јанында рүсвај олаҹаг. Бу ҝүн Ислам Республикасында бүтүн саһәләрдә ишләр Аллаһа ҝөрә ҝөрүлүр. Бу өлкәдә, бу системдә ким иш ҝөрүрсә, ону Аллаһа ҝөрә едә билир. Онда мәнәви бәһрә, саваб әлдә едә билир вә Аллаһ јанында өзүнү үзүағ едир.
Пејғәмбәрдән (с) нәгл олунан бир һәдисдә дејилир: "Һәр бир шејин һәгигәти вар. Бәндә Аллаһ үчүн ҝөрдүјү ишә ҝөрә киминсә ону тәрифләмәсини истәмәдикҹә ихласын һәгигәтинә наил ола билмәз". ("Мүстәдрәк әл-вәсаил", ҹ.1, сәһ. 100) Бу чох чәтиндир. Бу, чох јүксәк пилләләрдәндир.
Мисал үчүн, бир фәрд иши башгалары үчүн ҝөрмүр. Аллаһа ҝөрә намаз гылыр, Аллаһа ҝөрә Гуран охујур, хејир иш ҝөрүр. Еһсан верир, сәдәгә верир, башгаларына көмәк едир. Аллаһ үчүн мүбаризә апарыр. Амма һәм дә истәјир ки, ҹамаат десин: "Бу нә јахшы адамдыр". Ишини ҹамаат үчүн ҝөрмәјиб, Аллаһ үчүн ҝөрүб вә иш баша чатыб. Амма ҹамаатын мәдһиндән, ҹамаатын ону тәрифләмәсиндән хошу ҝәлир. Һәдисә ҝөрә бу ихласын јүксәк мәрһәләси дејил. Ихласын јүксәк мәрһәләси будур ки, буну да хошламајасан. Үмумијјәтлә ҹамаатла ишин олмасын. Истәр билсинләр, истәр билмәсинләр, истәр хошлары ҝәлсин, истәр ҝәлмәсин. Бахыб ҝөрсүн ки, Аллаһ ондан нә истәјир, ону да дәгиг һәјата кечирсин.

Ајәтуллаһ Сејид Әли Хаменеи


4752 بازدید
در حال ارسال اطلاعات...