Мүбарәк рамазан ајы инсанын өзүнү јенидән гурмасы, јениләмәси, тәрбијә етмәси ајы, Аллаһла үнсијјәт баһарыдыр. Мәҝәр ишин бу јөнүндән гафил олмаг олармы? Бүтүн сәһвләр, јанлышлар ишин бу тәрәфинә диггәтсизликдән ирәли ҝәлир. Сәһвләри аз олан, көклү һидајәт, мәрифәт нуру илә ишыгланан бир ишарәси бу халг үчүн, бизим үчүн, дүнјада Ислам ашигләри үчүн, бәләдчи, јол ҝөстәрән олан – јәни даһи Имам Хомејни – мәсәләнин бу тәрәфинә нисбәтдә елә иди ки, Аллаһла олан әлагәси тәмин олунмушду. Дүнјада ингилаблар, һөкумәтләр, идарәләр, һакимијјәтләр бу бахымдан ејбли олурлар, јолдан јајынырлар. Јәни мәнәвијјат бахымындан, Аллаһла әлагә бахымындан, көнүлләрин Аллаһа бағланмасы бахымындан гәфләтдәдирләр. Биз дә диггәт етсәк, һарада ирәлиләмишиксә, һарада уғур газанмышыгса, јахшы әмәл етмишиксә, разыјыгса, бу јөнүн тәмин олунмасындандыр. Һарада зәрбә алмышыгса, бу јөндә зәиф олдуғумуздандыр.
АЛЛАҺЛА ҮНСИЈЈӘТИН ӨНӘМИ
Аллаһла үнсијјәти кичик һесаб етмәк олмаз. Бизим һәр шејимиз бу әлагәдән аслыдыр. Бизим көнлүмүзү мөһкәмләдән, дүшмәнчиликләрдән горхмамағымыза сәбәб олан бу әлагәдир. Бизим көнүлләримизи мөминләрә севҝи илә, Аллаһ јолуну ҝедәнләрә мәһәббәтлә долдуруб, фикир ајрылыгларыны, сәлигә фәргләрини икинҹи плана кечирән Аллаһла үнсијјәтдир. Бизим һәгигәти ајаг алтына атмамағымыза, мәсләһәти шәхси гәрәзә гурбан вермәмәјимизә сәбәб олан Аллаһла әлагәдир. Бизим Аллаһ јолундан јајынмамағымыза, бу јолу ҝетмәкдән пешман олмамағымыза, јорулмамағымыза сәбәб олан Аллаһла үнсијјәтдир. Аллаһла бу әлагә һәмишә мүмкүндүр вә һеч заман ҝеҹ дејил.
Ајәтуллаһ Сејид Әли Хаменеи
