Өз һагг сөзүнү деди, тәкрар вә изаһ етди, ајдынлашдырды, тәһгирләрә, чәтинликләрә, әзаблара дөздү вә бөјүк бир групу мүсәлман етмәји баҹарды.
Аллаһ елчисинин (с) мүһүм иши һагга дәвәт вә бу дәвәт јолунда ҹиһад иди. Әзиз Пејғәмбәр (с) өз дөврүнүн зүлмәт дүнјасы гаршысында тәшвишә дүшмәди. Истәр Мәккәдә јалгыз, јахуд кичик бир груп олан мүсәлманларын әһатәсиндә олдуғу заман, гаршысында исә тәкәббүрлү әрәб башчыларынын, Гүрејш дилавәрләринин вә һеҝемонларын кобуд характерләрлә вә гүдрәтлә дурдуғу ҝүн онлардан, јахуд елмдән һеч бир бәһрәси олмајан авам инсанлардан горхмады. Өз һагг сөзүнү деди, тәкрар вә изаһ етди, ајдынлашдырды, тәһгирләрә, чәтинликләрә, әзаблара дөздү вә бөјүк бир групу мүсәлман етмәји баҹарды. Пејғәмбәр (с) бу дәвәт вә ҹиһад сәһнәсиндә бир ан да зәифлик ҝөстәрмәди, Ислам ҹәмијјәтини гүдрәтлә ирәлијә апарыб шәрәф вә игтидарын зирвәсинә чатдырды. Истәрсә дә Ислам һөкумәти тәшкил едиб өзү бу һөкумәтин башчысы кими гүдрәтә саһиб оланда һеч нәдән горхмады. О заман да мүхтәлиф дүшмәнләр вә мүхалифләр Пејғәмбәрә (с) гаршы чыхдылар; истәр силаһлы әрәбләр, – Һиҹаз вә Јәмамә сәһралары бојунҹа вәһши гәбиләләр јашајырдылар; Исламын дәвәти онлары ислаһ етмәли иди, онларса мүгавимәт ҝөстәрирдиләр - истәр о заманкы дүнјанын бөјүк падшаһлары – дүнјанын о заманкы ики бөјүк ҝүҹү олан Иран вә Рома империјасы. Пејғәмбәр (с) онлара мәктублар јазырды, сөзләрини дејирди, гошун јеридирди, чәтинлик чәкирди, игтисади мүһасирәјә дүшүрдү, Мәдинә халгы онларын уҹбатындан бәзән ики-үч ҝүн јемәјә чөрәк тапмырды. О заман һәр тәрәфдән чохлу тәһлүкә Пејғәмбәри (с) әһатә етмишди. Инсанларын бәзиси ниҝаран олур, бәзиси зәифлик ҝөстәрир, бәзиси дејинир, бәзиси Пејғәмбәри (с) мүлајимлијә вә барышыға һәвәсләндирирди. Амма Пејғәмбәр (с) бу дәвәт вә ҹиһад сәһнәсиндә бир ан да зәифлик ҝөстәрмәди, Ислам ҹәмијјәтини гүдрәтлә ирәлијә апарыб иззәт вә игтидарын зирвәсинә чатдырды. Һәмин гурулуш вә ҹәмијјәт Пејғәмбәрин (с) мүһарибә вә дәвәт саһәләриндә ҝөстәрдији мүгавимәт сајәсиндә сонракы илләрдә дүнјанын биринҹи гүввәсинә чеврилә билди.
Ајәтуллаһ Сејид Әли Хаменеи
