1 – Илаһи кәламда Салават
“Иннәллаһә вә мәлаикәтәһу јусәллунә әлән-нәбијји, ја әјјуһәл-ләзинә амәну сәллу әлејһи вә сәллиму тәслимән.”
“Аллаһ вә онун мәләкләри Пејғәмбәрә салават ҝөндәрирләр. Еј иман ҝәтирәнләр! Она салават ҝөндәриб вә салам дејин вә камил шәкилдә онун фәрманына тәслим олун”
Имам Казым әлејһис-сәламдан: “Аллаһ вә онун мәләкләри Пејғәмбәрә салават ҝөндәрирләр. Еј иман ҝәтирәнләр! Она салават ҝөндәриб вә салам дејин вә фәрманына тәслим олун” ајәсиндә Аллаһын, мәләкләрин вә мө`минләрин салаватынын мә`насы барәдә суал олду. Имам бујурду: “Аллаһын салават ҝөндәрмәси онун тәрәфиндән бир нөв рәһмәтдир, мәләкләрин салаваты Аллаһын Рәсулуна нисбәт онларын ситајишидир вә мө`минләрин Пејғәмбәр үчүн онлардан бир дуадыр.”
İмам Садиг әлејһис-сәлам да бу ајә барәдә бујурур: “Пејғәмбәрә (сәлләллаһу әлејһи вә алиһи) сәна (тә`риф) дејин вә она салам ҝөндәрин (ја фәрманына бојун гојун).
2 – Салават ҹамаатын дуасыдыр
Имам Садиг (әлејһис-сәлам) бујурду:
“Салават Аллаһ тәрәфиндән рәһмәтдир, мәләкләр тәрәфиндән пакламаг вә ҹамаат тәрәфдән дуадыр.”
3 – Гијамәтдә ән фәзиләтли әмәлләр
Имам Садиг (әлејһис-сәлам) бујурур:
“Гијамәт ҝүнүндә Мәһәммәд (сәлләллаһу әлејһи вә алиһи) вә Али Мәһәммәдә салаватдан даһа әзизи вә даһа үстүн һеч бир әмәл јохдур.”
4 – Гијамәтдә ән ағыр әмәл
Имам Багир (әлејһис-сәлам) вә Имам Садиг (әлејһис-сәлам) бујурурлар:
“Гијамәт ҝүнүндә әмәлләр тәрәзисиндә гојулан ән ағыр әмәл Мәһәммәд (сәлләллаһу әлејһи вә алиһи) вә онун Әһли-бејтинә олан салаватдыр.”
5 – Бәрзәхдә әмәлләрин ән јахшысы
Әбу Әлгәмә дејир:
Пејғәмбәр (сәлләллаһу әлејһи вә алиһи) сүбһ намазындан сонра үзүнү бизә тутду вә бујурду:
“Мәним сәһабәләрим! Дүнән ҝеҹә әмим Һәмзәни (рә) вә гардашым Ҹә`фәри (Тәјјары) јухуда ҝөрдүм вә дедим: Ата вә анам сизә фәда олсун, һансы әмәли јахшы ҝөрдүнүз?
Ҹаваб вердиләр: Ата вә анамыз сәнә фәда олсун! Биз сәнә салаваты сусузу сираб едән вә Әли ибн Әбу Талибә (әлејһис-сәлам) олан мәһәббәти исә әмәлләрин ән јахшысы ҝөрдүк.”
6 – Ән севимли әмәл
Пејғәмбәр Әкрәм (сәлләллаһу әлејһи вә алиһи) бујурду:
Ҹәбраилдән (әлејһис-сәлам) сорушдум: Ән севимли әмәл һансыдыр?
Ҹаваб верди:
“Еј Мәһәммәд (сәлләллаһу әлејһи вә алиһи)! Сизә ҝөндәрилән салават вә салам вә Әли Ибн Әбу Талибә (әлејһис-сәлам) олан мәһәббәт ән севимли әмәлдир.”
7 – Мәләкләрлә јолдашлыг
Әзиз Пејғәмбәримиз (сәлләллаһу әлејһи вә алиһи) бујурду:
“Һәмишә мәләкләрдән ибарәт бир карван Аллаһын әмри илә аләмдә һәрәкәтдәдирләр. Зикр вә салават дејилән бир мәҹлисә јетишән заман бир-биринә дејәрләр: Јерә енин! Јерә енән заман мәҹлис әһли илә дуа едән заман “амин” демәклә вә салават ҝөндәрән заман да салават ҝөндәрмәклә јолдашлыг едәрләр вә ахырда бир-биринә дејәрләр: Бу мәҹлис әһлинин хош һалына ки, Аллаһ онлары бағышлады!”
8 – Бир шеј әлдән чыхан вә мәһв олан заман
Әзиз Ислам Пејғәмбәри (сәлләллаһу әлејһи вә алиһи) бујурду:
“Бир шеј арадан ҝедән заман де: “Аллаһуммә сәлли әла Муһәммәд вә али Муһәммәд”
9 – Аллаһын салаваты
Аллаһын Рәсулу (сәлләллаһу әлејһи вә алиһи) бујурду:
“Ҹәбраил (әлејһис-сәлам) мәнә назил олду вә деди: - Аллаһ-тәала бујурур: Һәр кәс сәнә салават ҝөндәрсә мән вә мәләкләрим она он дәфә салават ҝөндәририк вә бир нәфәр сәнә салам версә мән вә мәләкләрим она он дәфә салам веририк.”
10 – Салават јазмағын мүкафаты
Әзиз Ислам пејғәмбәри (сәлләллаһу әлејһи вә алиһи) бујурду:
“Бир нәфәр јаздығы вахтда мәнә салават ҝөндәрсә (јазылы салават) – Аллаһуммә сәлли әла Муһәммәд вә али Муһәммәд – о вахта гәдәр ки, мәним адым о јазыда ҝөзә дәјир мәләкләр онун үчүн рәһмәт вә истиғфар (бағышланма) едәрләр.”
Nur-az.com
