Шрифт өлчүсү:
А+
А
А-
15 Мај 2017

Гурани-кәримдә рәһмәт

Гурани-кәрим Аллаһын мәрһәмәтиндән үмидсизлији кафир сәҹијјәләриндән сајыр
Гурани-мәҹид бир чох ајәләриндә рәһмәт вә онун әсәрләриндән данышыр. Нүмунә үчүн бәзи ајәләрә нәзәр салаг:
1. Гурани-кәрим инсанларын инкишаф мајасы, дүнја вә ахирәт чәтинликләриндән гуртулуш сәбәби олан пејғәмбәрлији Аллаһын мәрһәмәти сајыр. Аллаһ истәдијини бу мәгама сечир. Бу әзәмәтли мәгамы варлыг үфүгүндән ләјагәт әсасында парладыр, пејғәмбәри бу мәгам сајәсиндә вәһјин еланына, халгын һидајәтинә вәзифәли едир: “Аллаһ истәдијини өз рәһмәтинә чатдырыр. Аллаһ бөјүк фәзл саһибидир.” (“Бәгәрә”, 105)
2. Гуран хүсуси илә гисас вә дијә бәһсиндә бир рәһмәт олараг вәзифәләри јүнҝүлләшдирир: “Бу (һөкм) Рәббиниз тәрәфиндән асанлашдырма вә бир рәһмәтдир...” (“Бәгәрә”, 178)
3. Гурани-шәриф ҝөзәл әхлаг, хош рәфтар, достлуг, мүдараны өз мәрһәмәти сајыр: “(Еј пејғәмбәр) Аллаһ тәрәфиндән рәһмәт олараг онларла хош давран...” (“Али-Имран”, 159)
4. Гурани-мәҹид Гијамәтдә әзабдан узаглығы вә ондан гуртулушу ләјагәти оланлар үчүн рәһмәт сајыр: “Һәмин ҝүн әзаб кимдән узаглашдырылса, һөкмән, Аллаһ она рәһм етмишдир вә будур ашкар ләззәт.” (“Әнам”, 16)
5. Гурани-мәҹид һаггын рәһмәтинә етигад вә диггәти ҝүнһакарлар үчүн үмид јери, төвбәјә тәшвиг гәрар вермишдир. Пејғәмбәрә елан олунур ки, халгы Аллаһын рәһмәтинә инандырсын, наданлыг сәбәбиндән ҝүнаһа јол верән инсан пешман олдугдан сонра төвбә едиб өзүнү дүзәлдә билсин, Аллаһын рәһмәтиндән фајдалансын. Чүнки, Аллаһ чох бағышлајан вә меһрибандыр: “Әҝәр ајәләримизә иман ҝәтирәнләр сәнин јанына ҝәлсәләр, де ки, салам олсун сизә, Рәббиниз мәрһәмәти өзүнә ваҹиб етмишдир. Сизләрдән һансыныз наданлыгдан пис иш ҝөрсә, сонра төвбә гылыб ислаһ олса (бағышланар). Чүнки о чох бағышлајан вә меһрибандыр.” (“Әнам”, 54)
6. Гуран илаһи ајәләрин бир чохунда бәндәләринә рәһмәти илә танытдырылыр: “Инди сизин үчүн Рәббиниз тәрәфиндән ашкар дәлил, һидајәт вә бир рәһмәт ҝәлди...” (“Әнам”, 157)
7. Гуран бир чох ајәләрдә инсанлара бәјан едир ки, әҝәр Аллаһын мәрһәмәтини истәмәсәниз, ја өзүнүзү мәрһәмәтдә гәрар вермәсәниз, ја да Аллаһын мәрһәмәти сизи бүрүмәсә, варлыг сәрмајәниз пуча чыхар, бүтүн оланларыныз вә әмәлләриниз мәһв олар. Беләҹә, әбәди зијана дүшәр, бәдбәхт оларсыныз: “Әҝәр Аллаһын фәзл вә рәһмәти олмасајды, шүбһәсиз, зијанкарлардан идиниз.” (“Бәгәрә”, 64)
8. Һәр бир инсаны илаһи һәгигәтләрә вә мәнәви дәјәрләрә јөнәлдән Гуран мәрһәмәтин сәбәбсиз олмадығыны билдирир. Инсанын гуртулуш сәбәби, хошбәхтлик сәрмајәси, беһиштә дахил олма сәбәби олан мәрһәмәт хејир әмәл саһибләринин шәниндәдир: “Шүбһәсиз, Аллаһын рәһмәти хејир әмәл саһибләринә јахындыр.” (“Әраф”, 56)
9. Гурани-мәҹид илаһи мәрһәмәти дүнјада чәтинликләрдән, ситәмкарларын зүлмүндән гуртулуш сәбәби кими кими тәгдим едир: “(Әзаб ҝәләндә) ону вә јолдашларыны өз тәрәфимиздән мәрһәмәтлә хилас етдик. Онлардан ајәләримизи тәкзиб едиб иман ҝәтирмәјәнләри гырдыг...” (“Әраф”, 72)
10. Гурани-һәким вүҹуд тутумуну, гәлбиҝенишлији, руһун бөјүклүјүнү илаһи фејзләрин тәҹәлласы үчүн сәбәб сајыр: “Бәндәләримиздән елә бирини тапдылар ки, она өз тәрәфимиздән рәһмәт вериб хүсуси елм өјрәтмишдик.” (“Кәһф”, 65)
11. Гурани-мәҹид Ислам пејғәмбәринин (с) мүгәддәс вүҹудуну аләмләр үчүн рәһмәт сајыр: “Сәни јалныз аләмләрә рәһмәт олараг ҝөндәрдик.” (“Әнбија”, 107)
12. Гурани-кәрим баһар нәсими васитәси илә өлмүш торпағын дирилдилмәсини, бу јолла битки аләмининин ҹүҹәрмәсини Аллаһын мәрһәмәт әсәрләриндән сајыр: “Алаһын рәһмәт әсәрләринә дүшүнҹә ҝөзү илә бах, ҝөр өлмүш торпағы неҹә дирилдир. Шүбһәсиз, о өлүләри дирилдәндир вә һәр ишә гадирдир.” (“Рум”, 50)
13. Гуран һәр бир мөвҹудда бир шәкилдә ҹилвәләнән илаһи рәһмәти һамыја аид билир. Һәтта ән ҝүҹлү микроскопларла ҝөрүнмәјән зәррәләр дә мәрһәмәт даирәсиндән кәнарда галмыр: “Рәһмәтим һәр шеји әһатә етмишдир...” (“Әраф”, 156)
14. Гурани-кәрим Аллаһын мәрһәмәтиндән үмидсизлији кафир сәҹијјәләриндән сајыр:
“Һәгигәтән дә, јалныз кафир инсанлар Аллаһын мәрһәмәтиндән үмидсиздир.” (“Јусуф”, 87)
15. Гурани-мәҹид Аллаһын рәһмәтини бүтүн инсанлар үчүн вар-дөвләтдән, мәгамдан, дүнја матаһындан үстүн билир. Өмрү вар-дөвләт топламаға сәрф етмәк әвәзинә илаһи мәрһәмәт әлдә етмәк үчүн чалышмаг инсанлар үчүн үстүндүр: “Рәббинин мәрһәмәти онларын топладыгларындан үстүндүр.” (“Зухруф”, 32)


4292 بازدید
در حال ارسال اطلاعات...