Әввәлҹә өвладда валидејнләрин варлығына һисс јаратмаг лазымдыр. Әҝәр ушаг буну һисс етсә, онун инкишафы вә тәрбијәси белә бир һиссә малик олмајан ушагдан тамамилә фәргли олаҹаг. Ушаг үчүн мүһүм олан онун бејниндә илһам гајнағы кими ата вә ананын варлығыны һисс етмәкдир.
Сағлам тәлим вә тәрбијәнин тәсири
Шүбһәсиз, фајдалы вә сағлам тәлим вә тәрбијә мүнасиб инкишаф шәраитиндә ушағын фитрәт лөвһәсинә ҝөзәл нахыш вуруб онун тәкамүл шәраитини һазырлаја вә бу јолла халглар үчүн ајдын ҝәләҹәк тәмин едә биләр.
Ушагларын әхлаги тәрбијәсинин әһәмијјәти
Ушаг вә јенијетмәләрин әхлаги тәрбијәси бүтүн өлкә вә ҹәмијјәтләр үчүн һәгигәтән әһәмијјәтлидир. Лакин бизим үчүн даһа артыг әһәмијјәтә маликдир. Даһа артыг әһәмијјәти она ҝөрәдир ки, Ислам ҹәмијјәти, јәни Ислам тәфәккүрү вә һөкмләри әсасында гурулан ҹәмијјәт өһдәсинә диҝәр ҹәмијјәтләрин ади мүбаризәсиндән даһа бөјүк мүбаризә ҝөтүрмүшдүр.
Ушағын камиллик ахтаран хисләтини формалашдырмаг
Ушагларын тәрбијәсинин зәрури олмасы, онларын аилә вә ҹәмијјәтдә фикир, дујғу вә иҹтимаи инкишафы үчүн мүнасиб мадди, психоложи вә мәдәни шәраит јаратмағын лазым олмасына даир јекдил рәј мөвҹуддур. Мүбаһисәли вә чох диггәтә еһтијаҹы олан мәсәлә бу данылмаз принсипләрин иҹра нөвү, ушағын камал истәјән тәбиәтини формалашдырмағын, активлијини, мөһкәмлијини, психоложи вә мәнәви таразлығыны тәмин етмәк үчүн онун инкишаф манеәләрини ортадан ҝөтүрмәјин неҹәлијиндәдир. Бу һәр бир ҹәмијјәтдә нәинки тәлим вә тәрбијә үзрә мәсул шәхсләрин вә експертләрин, һәтта һәр бир гурулушун мәсул шәхсләринин ән мүһүм вәзифәләриндәндир.
Nur-az.com
