Шрифт өлчүсү:
А+
А
А-
05 Мај 2017

МӘЗЛУМА КӨМӘКДӘН ЧӘКИНМӘ

Һәр кәс залымдан мәзлумун һаггыны алса, беһиштдә мәнә јолдашдыр
Мәзлума јардым, она көмәк әли узатмаг Ислам дининдә о гәдәр әһәмијјәтли иш һесаб олунур ки, Һәзрәт Әли (ә) рамазан ајынын 21-ҹи ҝеҹәси, өмрүнүн сон дәгигәләриндә өвладлары Һәсәнә (ә) вә Һүсејнә (ә) вәсијјәтиндә бујурур: «Залыма дүшмән, мәзлума јардымчы олун». («Нәһҹүл-бәлағә» сәһ-421.) Бәли, бу сөзләр зүлм вә мәзлум гаршысында мөминин ән ҝөзәл шүарыдыр.
İслам Пејғәмбәри (с) бујурур: «Һәр кәс залымдан мәзлумун һаггыны алса, беһиштдә мәнә јолдашдыр». («Биһарул-әнвар», 72-ҹи ҹилд, сәһ-359.) Һәзрәт Әли (ә) бујурур: «Мәзлум ҝөрәндә залыма гаршы она көмәк ет». («Ғүрәрул-һикәм», сәһ-450.) «Ән ҝөзәл әдаләт мәзлума јардым ҝөстәрмәкдир». («Ғүрәрул-һикәм», сәһ-446.)
Имам Садиг (ә) бујурур: «Мөминин зүлмә дүшмүш мөминә јардымы бир ајын оруҹу, Мәсҹидүл-һәрамда етикафдан үстүндүр. Јардым етмәјә гүввәси чатан мөмин өз мөмин гардашына јардымчы оларса, дүнја вә ахирәтдә Аллаһ она јардымчы олар. Ҝүҹү чатдығы һалда мөминә јардым етмәји бошлајаны Аллаһ дүнја вә ахирәтдә бошлајар». («Сәвабул-әммал», сәһ-147.)
İслам Пејғәмбәри (с) бујурур: Аллаһ-Таала бујурмушдур: «Анд олсун иззәт вә ҹәлалыма, дүнја вә ахирәтдә залымдан һөкмән интигам аларам. Мәзлуму ҝөрүб, ҝүҹү чатдығы һалда она јардым етмәјәндән дә интигам алаҹағам». («Кәнзул-әммал», 7641.)


4499 بازدید
در حال ارسال اطلاعات...