
Ислам мәктәбиндә һеч бир әмәл мүкафатсыз галмаса да, хејирхаһ вә салеһләрә Гијамәтдә саваб вә мүкафат верилсә дә, онлар бу дүнјада да Аллаһ тәрәфиндән мүкафатландырылырлар. Салеһләрин дүнја мүкафаты салам вә салават, јахшы аддыр. Бу мүкафат онларын бир нечә ҝүнлүк һакимијјәт вә һәјатына аид дејил. Онларын ады әбәди олараг тарихин сәһифәләринә гејд олунур. Тарихин ҝүзҝүсүндә ситәмкарлар вә залым гүввәләр салеһләр вә аллаһпәрәстләрлә там зидд ҹәһбһәдә әкс олунур. Салеһләрин ады тарих боју салам вә салаватла јад едилир. Диҝәр ҹәбһә исә әбәди олараг ләнәт вә нифринә дүчардыр.Â
Һәзрәт Әли (ә) бу илаһи мүкафатын бәјанында бујурур:
“Фәрдләрин Аллаһ тәрәфиндән халгын дилинә салынмыш јахшылыг вә писликләри әсасында салеһләри ҝүнаһкарлардан сечә биләрсән. Бәли, сәнин үчүн ән севимли еһтијат салеһ әмәл еһтијаты олмалыдыр.”