Шрифт өлчүсү:
А+
А
А-
19 Апрел 2017

БӨЈҮК ШӘХСИЈЈӘТЛӘР ВӘ ОНЛАРЫН ДОСТ-ДҮШМӘНЛӘРИ

Һәзрәт Әли (ә) илә һәзрәт Ыса (ә) арасында даһа бир охшарлыг вардыр ки, о да дүнјаја ҝәлдикләри јерлә әлагәдардыр.
Дүнјанын бөјүк шәхсијјәтләри барәсиндә мүхтәлиф, чох вахт да зиддијјәтли бахышлар јараныр; бәзи вахтлар елә достлар олур ки, бу даһи инсанларын јолунда ҹандан-башдан кечир, пәрванә кими өз варлығыны онлара фәда едиб, достлуг хатиринә ән ағыр бөһтанлара вә ән чәтин ишкәнҹәләрә дөзүрләр. Бунун әксинә олараг, елә инадкар вә кинли дүшмәнләр дә тапылыр ки, һеч вахт өз дүшмәнчилијиндән әл чәкмәк вә сәмимијјәт јолуну сечмәк истәмирләр. Бу кими шәхсләрә гаршы достлуг вә дүшмәнчилик бәзән елә шиддәтли вә ҝүҹлү олур ки, һеч бир сәрһәд танымыр, мөвҹуд заман вә мәкан һүдудларыны ашараг сонракы мәкан вә заманлара да ҝәлиб чатыр. Белә бир нүфузун ҝүҹү вә тәсир дәрәҹәси инсан шәхсијјәтинин әзәмәт вә үлвилији илә там мүтәнасибдир. Дүнјанын бөјүк шәхсијјәтләри арасында һеч кәс Әли (ә) гәдәр зиддијјәтли мүһакимәләрә мәруз галмамыш, ҹәзбетмә вә дәфетмә сәһнәсиндә ики әкс гүтбүн диггәт мәркәзиндә олмамышдыр. Даһи шәхсијјәтләр арасында бу ҹәһәтдән јалныз һәзрәт Иса әлејһиссәламы Әли (ә) кими һесаб етмәк олар. Чүнки, һәзрәт Иса (ә) да достлуг вә дүшмәнчилик сәһнәсиндә бир-бири илә тамамилә зидд олан ики дәстәнин диггәтини өзүнә ҹәлб етмишдир. Мәһз бу сәбәбә ҝөрә дә, бу ики илаһи рәһбәр арасында бир нөв охшарлыг мүшаһидә олунур. Дүнја мәсиһиләринин әксәријјәтинин тәсәввүрүнҹә Һәзрәт Иса (ә) елә һәмин ҹисим шәклинә дүшән "Аллаһ"дыр вә өз бәндәләрини ата (Һәзрәт Адәм (ә)) тәрәфиндән ирс гојулмуш ҝүнаһлардан гуртармаг үчүн јер үзүнә ҝәлмиш вә нәһајәт, чармыха чәкилмишдир. Мәсиһиләрин нәзәриндә Иса илаһиләшмиш инсандан башга бир шәхсијјәт дејил. Бунун әксинә олараг јәһудиләр бу фикрә тамамилә зидд олан бир мөвгедә дајаныр: онлар һәзрәт Исаны ифтира вә јаланчылыгда иттиһам едиб, гәләмин јазмагда һәја етдији ән чиркин төһмәтләри онун пак вә иффәтли анасынын (Мәрјәмин) адына вурурлар.
Белә тәзадлар Әли (ә) барәсиндә дә һәмишә мөвҹуд олмушдур. Бир дәстә дар дүшүнҹәли, дәриндән дәрк едә билмәјән, һәмчинин она дәрин мәһәббәт бәсләјәнләр мөминләрин сәрвәрини аллаһлыг дәрәҹәсинә гәдәр јүксәлтмиш, һәјаты боју ондан мүшаһидә олунан кәрамәтләрини онун "Аллаһ" олмасына бир дәлил ҝәтирмишләр. Чох тәәссүфлә гејд етмәлијик ки, бу дәстә мүгәддәс "Әләви" (Әлијә мәнсуб олан) адыны өзләринә ҝөтүрмүшләр. Һәлә индинин өзүндә дә чохлары бу мәсләк ардынҹа ҝедирләр. Әфсуслар олсун ки, индијә кими шиәләрин тәблиғат апараты бу долғун емосијадан истифадә едәрәк Әлинин (ә) һәгиги симасыны онлара танытдырмамыш вә онлары Әлинин (ә) шәхсән өзүнүн фәдаиси олдуғу төвһид вә тәкаллаһлыг јолуна һидајәт едә билмәмишдир. Бу групун мүгабилиндә исә Имамын (ә) заһири хилафәтинин илк ҝүнләриндән етибарән башга бир дәстә үрәкләриндә о һәзрәтә гаршы әдавәт, кин-күдурәт бәсләјәрәк, бир мүддәтдән сонра "хәвариҹ" вә "нәвасиб" адлы груплашмалар шәклиндә заһир олдулар. Пејғәмбәр (с) Әлинин (ә) һакимијјәти заманы инһирафчы вә азғын ҹинаһларын заһир олаҹағындан тамамилә аҝаһ иди. Һәзрәт өз сөзләриндән бириндә Әлијә (ә) белә бујурмушду: "Ики дәстә сәнин барәндә һәлак олаҹаг: Сәнин фәзиләтләрин барәсиндә һәдди ашанлар вә сәнинлә дүшмәнчилик едәнләр."
Һәзрәт Әли (ә) илә һәзрәт Ыса (ә) арасында даһа бир охшарлыг вардыр ки, о да дүнјаја ҝәлдикләри јерлә әлагәдардыр. Ыса (ә) "Бејтүл-ләһм" адлы мүгәддәс бир јердә (бу јер Бејтүл-мүгәддәс дејил) дүнјаја ҝәлдијиндән саир Бәни-Исраил пејғәмбәрләриндән бир нөв әлавә бир фәзиләтә малик иди. Азадлыг севәрләрин мөвласы Әли (ә) да мүгәддәс Мәккә дијарында, Аллаһ евиндә–Кәбәдә мөҹүзәли бир шәкилдә дүнјаја ҝәлмиш вә елә Аллаһ евиндә дә (Куфә мәсҹидиндә) шәһадәт шәрбәтини ичмишдир, "һүснү-мәтлә" мүгабилиндә "һүснү-хитама" малик олмушдур. (Јәни мөвлуду ҝөзәл олдуғу кими, хәтми (шәһадәти) дә ҝөзәл олмушдур.) Бу да ки, тарихдә мисли ҝөрүнмәмиш һадисәдир.


3438 بازدید
در حال ارسال اطلاعات...