О дуаја ҝөрә сәнин бәдәнинә һеч вахт гылынҹ тәсир етмәјәҹәк.
Гәдим заманларда Бәсрә шәһәриндә Бүргеји адлы бир шәхс гачаг-гулдур вә динсиз дәстәләри башына топлајараг гијам етди. Онун адамлары әтраф шәһәрләрә һүҹум едир, халгын ҹанына, малына вә намусуна рәһм етмирди. Онлар бир ҝүн Бәсрә әһалисиндән олан шиә бир гызы әсир етдиләр вә онун намусуна тәҹавүз етмәк истәјирдиләр. Бүргеји өз адамларыны бу ишдән чәкиндирмәди. Ҝәнҹ гыз вәзијјәти белә ҝөрәндә Бүргејијә деди: - Еј һөкмдар, мәни бунларын әлиндән гуртарсан сәнә елә бир дуа өјрәдәҹәјәм ки, о дуаја ҝөрә сәнин бәдәнинә һеч вахт гылынҹ тәсир етмәјәҹәк.
Бүргеји деди: - О дуаны мәнә өјрәт.
Ҝәнҹ шиә гыз деди: - Сән әввәл о дуанын тәсирини јохла. Гылынҹыны ҝөтүр вә вар ҝүҹүнлә мәним үзәримдә јохла. Әҝәр гылынҹ мәни кәсмәсә, онда дуанын дүзҝүнлүјүнә әмин олаҹагсан.
Бүргеји јериндән галхды вә гылынҹыны ҝөтүрүб вар ҝүҹү илә гызын бәдәнинә ендирди. Гылынҹ ҝәнҹ гыза дәјиб ону кәсди вә гыз шәһид олду.
Бүргеји өз әмәлиндән пешман олду вә баша дүшдү ки, гызын мәгсәди өз иффәтини горумаг олмушдур.
Гајнаг: “Дастанһа вә пәндһаји ибрәтәнҝиз”, сәһ. 56.
Һазырлады: Сејид Заһир
