Шејх Сәдуг “Әмали” китабында Зүлгәрнејн һаггында мараглы бир һәдис ҝәтирмишдир. Һәдисдә дејилир:
Зүлгәрнејн бөјүк вә әзәмәтли орду илә бир мәнтәгәдән кечирди. Орада ибадәтлә мәшғул олан бир абидә раст ҝәлди. Абид онун әзәмәтинә һеч әһәмијјәт вермәдән өз ибадәтинә мәшғул иди. Абидин руһунун уҹалығы Зүлгәрнејни һејрәтә салды. О, абидин јанына ҝедиб деди: - Неҹә олду ки, сән мәним ордумун әзәмәтиндән горхмадын вә әһвалында һеч бир дәјишиклик јаранмады?
Абид деди: - Елә бир кәслә мүнаҹата мәшғул идим ки, онун сонсуз гүдрәти вә ордусу вардыр. Горхдум ки, ондан үз дөндәриб сәнин әзәмәтинә әһәмијјәт версәм, мәни инајәтиндән мәһрум едәр вә дуамы гәбул етмәз.
Зүлгәрнејн деди: - Мәним ордума гошулсан, сәнин бүтүн истәкләрини јеринә јетирәрәм.
Абид деди: - Мән һәмишә сәнин јанында олмаға һазырам, бу шәртлә ки, дөрд шеји мәнә зәманәт верәсән:
1. Сағламлығым даим галсын вә һеч вахт хәстәләнмәјим.
2. Мәнә верилмиш немәт һәмишәлик галсын вә һеч вахт арадан ҝетмәсин.
3. Ҝүҹүм даими олсун вә гоҹалыг онда тәсир гојмасын.
4. Һәјатым даими олсун вә өлүм мәни јахаламасын.
Зүлгәрнејн бунлары зәманәт вермәјә ҝүҹүнүн олмадығыны билдириб деди: - Бүтүн бу ишләрә гүдрәти олан варлыг һансыдыр?
Абид деди: - Онда мән бүтүн бу ишләрин онун гүдрәти алтында олдуғу кәсдән ајрылыб, өзүм кими аҹиз вә мөһтаҹ олан шәхсә сөјкәнмәрәм. Мән бүтүн бунлара гүдрәти олан Аллаһа табејәм.
Гајнаг: Шејх Сәдуг, “Әмали”, сәһ. 170.
Һазырлады: Сејид Заһир
