Шрифт өлчүсү:
А+
А
А-
08 Апрел 2017

Әһд едирәм ки, бундан сонра дојунҹа јемәрәм

Мән дә Аллаһла әһд бағлајырам Онунла ҝөрүшәнәдәк һеч бир кәсә нәсиһәт етмәјәҹәјәм
Имам Рза (ә) өз ата-бабасындан Јәһја ибн Зәкәријјә (ә) илә шејтанын данышығы барәдә һәдис нәгл етмишдир. Һәдисдә дејилир:
Şејтан, Адәм (ә) пејғәмбәрин дөврүндән Иса ибн Мәрјәмин (ә) дөврүнә гәдәр ардыҹыл олараг пејғәмбәрләрин јанына ҝет-ҝәл едирди. О, һамыдан чох һәзрәт Јәһјаны (ә) инҹидирди. Бир ҝүн Јәһја (ә) шејтана деди: - Индијә гәдәр мәнә ҝүҹ ҝәлиб гәләбә чалмысанмы?
Шејтан ҹаваб верди: - Хејр. Лакин сәндә олан бир хасијјәти мән чох севирәм.
Һәзрәт Јәһја (ә) сорушду: - О, һансы хасијјәтидир?
Шејтан деди: - Дојунҹа јемәк јејирсән вә бу да сәнин бәзи намазларына, ҝеҹә сәһәрә гәдәр тамамилә ојаг галыб ибадәтлә мәшғул олмағына мане олур.
Јәһја (ә) бу сөзү ешидәндән сонра деди: - Мән елә бу андан Аллаһла әһд бағлајырам ки, Онунла ҝөрүшәнә гәдәр дојунҹа јемәк јемәјим.
Шејтан да деди: - Мән дә Аллаһла әһд бағлајырам Онунла ҝөрүшәнәдәк һеч бир кәсә нәсиһәт етмәјәҹәјәм.

Гајнаг: “Дастани-пејамбәран”, сәһ. 565. (Шејх Тусинин “Әмали” китабындан нәгл олунмушдур)


3280 بازدید
در حال ارسال اطلاعات...