Дуа елм вә гүдрәт мәнбәји илә мөминин, чарәсизин васитәси, зәиф вә ҹаһил инсанын рабитәсидир. Бәшәр Аллаһла руһи рабитә гурмаса вә затән еһтијаҹсыз олана еһтијаҹ билдирмәсә, һәјатда башыны итирмиш вә аҹиз дурумда галаҹаг, өмрү һәдәр ҝедәҹәкдир: “(Еј Рәсулум) Де: “Әҝәр дуаныз олмаса, Рәббим сизә диггәт јетирмәз!” (Фурган, 77)
Јахынлашмаг вә үнсијјәт
Аллаһы өзүнә јахын һисс етмәк
Дуа нәдир? Әслиндә Аллаһы өзүнә јахын һисс етмәк вә Она үрәк сөзүнү демәк.
Аллаһын јахын олдуғуну вә бахдығыны билмәк, Ону өз гаршында һисс етмәк
Гејд етдијимиз кими, дуанын мәнасы будур ки, сиз Аллаһла данышасыныз, Ону өз гаршынызда һисс едәсиниз, сизә бахдығыны биләсиниз. Инсанын адәт үзүндән бир сөзү дилә ҝәтирмәси, бир истәји демәси - “Илаһи, бизи бағышла, илаһи, бизим ата-анамызы бағышла” - лакин гәбиндә истәк һалынын олмамасы дуа дејил, дил вәрдишидир: “Аллаһ-Таала диггәтсиз гәлбин дуасыны гәбул етмәз”. (Әл-Кафи, ҹ. 2, сәһ. 473; Һәдис Әмирәл-мөмининдәндир (ә).) Гафил вә диггәтсиз бир гәлблә дуа едилсә, Аллаһ-Таала дуаны гәбул етмәз. Булашыг үрәкләр, нәфс истәкләри вә еһтирасларда гәрг олмуш гафил инсан неҹә дуа едәҹәк? Әҝәр инсан белә дуа етсә, онун гәбул олунмасыны неҹә ҝөзләјә биләр?!
Ајәтуллаһ Сејид Әли Хаменеи
