имза шәһид Мүҹтәба Салеһинин өзүнә мәхсусдур, анҹаг имзанын мүрәккәби һеч бир гәләмин мүрәккәбинә бәнзәмир.
Шәһид һөҹҹәтүл-ислам Сејид Мүҹтәба Салеһи Хансаринин гызы дејир:
Атамын шәһид олмасындан бир һәфтә өтүрдү. Дүнјаја ҝөз ачдығы Хансар шәһәриндә онун үчүн јас мәрасими сахланылмышды. Она ҝөрә дә анам вә гардашым евдә дејилди. Мән мәктәбә ҝетдим. Мәктәбдә назим икинҹи термин орта имтаһан гијмәтләринин вәсигәсини мәнә верди. Мән олмадығым мүддәтдә һамы имтаһан вәсигәсини алмышды. Она ҝөрә дә ханым назим тапшырды ки, вәсигәни мүтләг евдә валидејнләримә имзалатдырыб сәһәр ҝәтирим. Фикирләширдим ки, буну ким имзаласын? Дәрсләримә гаршы чох һәссас олмушдум. Бир тәрәфдән атамын шәһид олмасы, бир тәрәфдән дә анамын евдә олмамасы мәни даһа чох һәссас едирди.
Евә чатдым, бир аз јемәк јејиб јатдым. Јухуда атамы ҝөрдүм. О чөлдән ҝәлиб һәмишәки кими бизимлә ојнајырды. Биз дә онун башына вә күрәјинә чыхырдыг.
Атам деди: - Зәһра, имтаһан вәсигәсини ҝәтир имзалајым.
Дедим: - Атаҹан, һансы имтаһан вәсигәсини?
Деди: - Бу ҝүн мәктәбдә вериләни.
Ҝедиб имтаһан вәсигәсини ҝәтирдим, анҹаг нә гәдәр ахтарсам дә јашыл гәләм тапа билмәдим. Билирдим ки, атам һеч вахт гырмызы гәләмлә имза етмир. Нәһајәт, чох ҝәздикдән сонра јашыл гәләми тапыб ҝәтирдим, амма гајыданда атамы отагда ҝөрмәдим.
Сәһәр ачылды, тәләсик мәктәб ләвазиматымы јығырдым. Бирдән ҝөзүм имтаһан вәсигәсинә саташды. О, гырмызы гәләмлә имза олунмушду.
Бу имтаһан вәсигәси һәзрәт Имам Хомејнијә (р) дә ҝөстәрилди. Имам (р) тапшырыг верди ки, имза експерт арашдырмасындан кечирилсин вә онун шәһидин имзасы олуб-олмамасы мүәјјән едилсин.
Теһранын Полис Идарәси имзаны арашдырдыгдан сонра билдирди ки, имза шәһид Мүҹтәба Салеһинин өзүнә мәхсусдур, анҹаг имзанын мүрәккәби һеч бир гәләмин мүрәккәбинә бәнзәмир.
Һал-һазырда да шәһидин имзасы мөвҹуддур.
Гајнаг: “Шәһидләр диридир”.
Һазырлады: Сејид Заһир
