Бүтүн әмәлләрин дәјәри нијјәтдән асылыдыр. Намаз кими бир сыра хүсуси ибадәтләрдә нијјәт саф олмазса, бу әмәлләр нәинки фајда вермәз, һәтта әзаба сәбәб олар. Әмәлин фајдалы олмасы үчүн ријадан чәкинмәк лазымдыр. Ријанын зидди ихласдыр. Бәс ихлас нәдир? Мәҝәр Аллаһын еһтијаҹы вармы ки, биз бүтүн ишләри онун разылығы үчүн ҝөрәк?Â
“Инсан” сурәсинин 9-ҹу ајәсиндә бујурулур:
“(Мүхлис бәндәләр дејәр:) Биз сизи јалныз мәһз Аллаһ ризасындан өтрү једирдирик. Биз сиздән (бу еһсан мүгабилиндә) нә бир әвәз вә нә дә бир тәшәккүр истәјирик.” Бурада инҹә бир нөгтәјә тохунмаг лазым ҝәлир. Әксәр фәгиһләрин фикринҹә ибадәт Аллаһа итаәт мәгсәди илә јеринә јетирилмәлидир. Бунун диҝәр бир ифадә васитәси “Аллаһа јахынлашмадыр” јәни ибадәтдә мәгсәд бәндәнин Аллаһа јахынлашмасыдыр.
