Шрифт өлчүсү:
А+
А
А-
11 Март 2017

Зиндан ичиндә зиндан вә ҹәза ичиндә ҹәза

Еј виҹдансыз инсанлар, ҝәрәк дүшүнәсиниз: намазы ҹинајәт һесаб едиб мөмин вәтәндашы һәбсә атмысыныз
Өлкә медиасы шиддәтли бир формада халг тәрәфиндән гынанмалыдыр. Чүнки халгын дәрди, проблемләри, һагг сәси лазыми шәкилдә ишыгландырылмыр. Мәсәлән, 1-ҹи витсе президентин кечирдији мәнасыз, һеч бир ишә јарамајан мүшавирәсини, сәвијјә саһиби олмајан мәмурларын ора топланмасыны реклам етмәкдәнсә диггәти һәбс едилмиш инсанлара јөнәлтсәјдиләр, мәсәлә даһа чох иҹтимаиләшәрди. Амма чох тәәссүф ки, медиа азад дејил, бир чох мәтбу органлар һакимијјәтин тәзјиги алтындадыр. Һакимијјәт исә өз репрессив аддымларыны давам етдирир. Неҹә дејәрләр давам едир 37...

Бир јандан гәһрәман шаиримиз Мүшфигин һејкәли абадлашдырылыр, диҝәр тәрәфдән Мүшфиглә ејни агибәти пајлашан инсанлара зүлм едилир вә бу зүлмүн өнүндә иҹтимаи бир сүкут мүшаһидә едилир.

Өзүнүз һәрби хидмәт кечмисинизсә, јахуд һазырда һәрби хидмәт кечән гоһумларыныз варса сорушун, ораларда намаз гылмаг чох чәтин бир шејдир. Демәк олар гејри-рәсми шәкилдә гадаған едилиб. Намаз гылан әсҝәр ҝөрдүкдә исә мин бир бәһанә илә ҹәзаландырыр, сөзә бахмадығы тәгдирдә нәһајәт һәбсә ҝөндәрилир. Әсҝәрликдә намаз гылан әсҝәрләр јахшы билирләр, бир әсҝәр она "нә үчүн намаз гылырсан, мән сәнә әмр едирәм ки, намазы бу ҝүндән тәрк едәсән" дејән забитә белә бир ҹаваб верир: "Сизин үч дәнә улдузунуз (мәгсәд рүтбәдир) олдуғунуз үчүн сизә итаәт едилир, ҝөрүн Аллаһын сәмада нә гәдәр улдузу вар, инди она итаәт едилмәсин?" дејиб.

Һәрби хидмәтдә әсҝәрә намаз уҹбатындан шиддәтли хәбәрдарлыг, төһмәт едилир, даһа сонра тәрк етмәдији һалда һәрбичиләр үчүн нәзәрдә тутулан һәбсханалара ҝөндәрилир. Һәбсханалар исә фәалијјәтин дондурулдуғу јерләрдир. Орада демәк олар һәјат донуб. Тәкҹә Аллаһа тәвәккүл етмәји баҹаранлар, азад руһлу инсанлар орада да өзләрини азад һесаб едирләр. Јәгин разылашарсыныз ки, ганунсуз јерә, наһагдан вәтәндашы һәбс етмәкдән даһа алчаг иш ону һәбсдә һәбсә атмаг, ҹәзанын ичиндә она јени бир ҹәза вермәкдир.

Еј виҹдансыз инсанлар, ҝәрәк дүшүнәсиниз: намазы ҹинајәт һесаб едиб мөмин вәтәндашы һәбсә атмысыныз. Һеч олмаса имкан верин һәбсдә өз азадлығыны јашасын. Даһа ону намаз гылдығы үчүн јенидән ҹәзаландырмаг һансы инсанлыға сығыр. Ганунларыныз башыныза дәјсин, һеч олмаса инсанијјәтиниз олсун.

Әввәлҹә намаз мәһбусу шејх Сәрдарын, даһа сонра Һаҹы Мөвсүмүн һәбсдә намаз гылдығы үчүн ҹәзаландырылдыглары хәбәри јајылды. Тәсәввүр един иҹтимаи гынаг лазым һәддә олмадығы үчүн намаз үстүндә бир инсаны һәбс етмәкдән хәҹаләт чәкмәјән үнсүрләр нөвбәти дәфә мәһбуслары намаз гылмагдан мәһрум етмәјә чалышырлар. Һалбуки ајаглашмаға чалышдыглары Авропа өлкәләриндә һәбсханада мәһбуслара елә шәраит јарадыблар ки, онлар өзләрини санки азадлыгда һисс едир. Ислам ојунларына ев саһиблији едәҹәк бир өлкәдә бу ҹүр һалларын баш вермәси хүсусијлә јолверилмәздир.

Фәрз едәк ки, бу руһаниләри јанлыш јолда һесаб едиб шәрләјәрәк һәбс етмисиниз. Үстәлик, диҝәр тәрәфдән өзүнүзү "Исламын кешикчиси" адландырыб дүнјаја ҝөстәрмәк үчүн советсајағы советдәнгалма моллаларла әлбир олуб онлары һәгиги Ислам, зүлмләринизи ифша едәнләри исә "радикал исламчы", "террорчу", "аҝент" адландырырсыныз. Бәс јахшы намаз гылмагларына нә сөзүнүз вар? Бәс билмирсиниз ки, һаггы изһар етмәји Имам Һүсејндән (ә) өјрәнән бу шәхсләрин сизи ифша етмәләри, һаггы халга чатдырмалары онларын гылдыглары намазларын нәтиҹәсидир. Чүнки мөвла Имам Әли (ә), Имам Һүсејн (ә) бујурублар ки, бизим бүтүн давамыз намазын дири галмасы уҹбатындандыр. Сиз исә бу мүгәддәс инсанларын давамчыларыны, намаз үстүндә, һиҹаб үстүндә һәбс едилмиш шәхсләрин намаз гылмасыны гадаған етмәклә онлары рүсвај етмәјә чалышырсыныз. Һалбуки ағлыныз ишләсәјди анлајардыныз ки, онлары һеч бир вәҹһлә намаздан ајыра билмәзсиниз. Нәтиҹә етибары илә өзүнүз рүсвај олурсунуз вә мәсум имамдан нәгл едилән һәдис бир даһа тәсдигини тапыр: һәмд олсун Аллаһа ки, дүшмәнләримизи ахмаглардан гәрар вериб.


5463 بازدید
در حال ارسال اطلاعات...