Намазын сөз вә һәрәкәтләрини илк әввәл гәлб јашамалыдыр.
Намаз заһирән дүзҝүн олмагла јанашы руһа да малик олмалыдыр вә намазын һәгиги дәјәри онун руһундадыр. Намаздан ҝөтүрүләҹәк фајда онун руһундан асылыдыр. Әлбәттә ки, намаз һаггында фигһи һөкмләрә риајәт етмәк зәруридир. Амма руһсуз намаз инсаны јалныз ҹәзадан гуртара биләр. Амма билмәлијик ки, намаз васитәси илә инсан мераҹ едиб, “Аллаһын ҝөрүшүнә” наил ола биләр. Бу али мәгама чатмаг үчүн мүһүм шәртләрдән бири намазда гәлбин иштиракыдыр. Әлбәттә ки, намазда нијјәтин дә бөјүк тәсири вар.
Проблем бундадыр ки, намаз һаггында билдикләримизи һәјата кечирә билмирик. Олса–олса, намазы әввәл вахтында гылмагла кифајәтләнирик. Амма намазын руһу тамам башга шејдәдир. Әҝәр инсан намаз вахты дүнја ишләри, һәтта ҝүнаһ һаггында дүшүнәрсә, бу намазда руһдан әсәр-әламәт јохдур. Унутмаг олмаз ки, намазын сөз вә һәрәкәтләрини илк әввәл гәлб јашамалыдыр.
