Бәшәријјәтин ән ҝөзәл вә илаһи һиссләриндән бири онун аилә гурмаға вә өвлад саһиби олмаға мејлидир. Инсанларын аилә формасында јашајышы там тәбиидир. Инсан елә бир шәкилдә јарадылмышдыр ки, о фитри вә тәбии шәкилдә аилә гурмаға вә өвлад саһиби олмаға мејл ҝөстәрир. Бәшәр тарихинин мүталиәси ҝөстәрир ки, о јарандығы ҝүндән аилә гурумунда јашамышдыр. Аилә гурумуну арадан ҝөтүрмәк истәјән бүтүн фәрдләр уғурсузлуға дүчар олмушлар. Бу истигамәтдә нә Әфлатунун, нә дә Марксист мәктәбин сәјләри бир нәтиҹә вермәмишдир. Гәдим дөврдән әсримизә ҝәлиб чатмыш вәһши гәбиләләрдә белә аилә гуруму мөвҹуддур. Бәшәр тарихини ачыг ҝөзлә мүталиә етмиш алимләр белә бир гәнаәтә ҝәлмишләр ки, тарих боју һәјат јолдашы сечими вә аилә тәшкили кими әһәмијјәтли гајда-ганун олмамышдыр. Издиваҹын шәхси јох, нөвлә (инсан нөвү) бағлы зәрурәт олмасы бу һәгигәтин дәлилидир. Бәли, издиваҹда мәгсәд бәшәр нәслинин давамыдыр.
Мәшһур Америка мүтәфәккири В. Дорант "фәлсәфәнин ләззәтләри" китабында јазыр: "Тәбиәт аилә гурумуну мүәјјәнләшдирмишдир ки, кишини гадынын вә гадыны көрпәнин хидмәтинә сөвг етсин. Кишиләр тәбиәт етибары илә гадынын, гадынлар исә тәбиәт етибары илә көрпәләрин вә инсан нәслинин хидмәтчисидир. Алим өз сөзүнә белә давам едир: "Издиваҹ бағлылығы гадынла кишинин севҝи вә шәһвәт рабитәсини гануниләшдирмәк үчүн дејил, бәшәр нәслинин горунмасы вә давамында ата, ана вә өвлад арасында мөвҹуд олан бир бағлылыгдыр."
Гадын вә киши елә бир формада јарадылмышдыр ки, онлардан һеч бири о бири олмадан сәадәтә чатыб еһтијаҹларыны өдәјә билмир. Онлардан биринин вүҹуду о бирини тамлашдырыр. Јалныз бағлы олдуглары вахт өз истедадларыны чичәкләндириб, камала чата билирләр. Башга сөзлә, гадын вә кишинин бәзи истедадлары јалныз аилә гурдугдан сонра јетәрли һәддә чатыр.
İздиваҹдан бојун гачырыб, бу илаһи сүннәјә әмәл етмәјәнләрин вүҹудунда бир нөв хамлыг галыр вә вүҹудларынын бәзи јөнүмләри чичәкләнмир.
Аилә гурдугдан сонра гадын вә киши ешг вә мәһәббәтлә бир-биринин хидмәтиндә дурур, һәр бири өзүнү диҝәринин асајиш вә раһатлығына һәср едир. Сонракы мәрһәләдә зөвҹәләр өвладларынын инкишаф вә рифаһы үчүн чалышыр вә бу јолла "јалныз өзү үчүн сәј ҝөстәрмәк вә өзүндән башгасыны ҝөрмәмәк" кими егоистлијин сыхынтысындан бир гәдәр азад олурлар. Онларын руһи дујумлары вә хүсусијјәтләри бу бағлылыг чәрчивәсиндә сығалланыр вә дахилләриндә үчүнҹү бир шәхсин һәниртиси вүҹуда ҝәлир. Инсанын инкишаф вә камиллији үчүн илкин шәрт егоистлик вә худбинликдән узаглашмагдыр. Өвладла бағлы дујумлар егоистлик вә худбинликлә мүбаризәдә бир нөв мәшг олур.
İнсанын бир чох еһтијаҹлары аиләдә тәмин олунур: һәјат еһтијаҹы, әкс ҹинсә еһтијаҹ, мәһәббәт вә дујума еһтијаҹ, өвлад еһтијаҹы вә с.
Nur-az.com
