Шрифт өлчүсү:
А+
А
А-
11 Феврал 2017

Гәзәби Аллаһы гәзәбләндирән инсан разы олмаса...

Һәр кимә Ханым Зәһра (с.ә) гәзәб едәрсә, о шәхс Аллаһын гәзәбинә туш ҝәләр
Пејғәмбәр (с) кими о һәзрәтин Әһли-бејтини (ә) дә Аллаһ-Тәала үммәт үчүн јол ҝөстәрән чыраг, һагла батил арасында фасилә гәрар вермишдир. Инсан ағлы һөкм едир ки, мүәллим инсана өјрәтмәдән өнҹә ондан дәрс тәләб едә билмәз. Дәрс тәләб етмәк үчүн әввәлҹә о дәрси она өјрәтмәк лазым ҝәлир. Аллаһ өз бәндәсинә ҹәза вә ја саваб вермәздән өнҹә она илаһи мүәллимләр ҝөндәрир ки, онлар инсанлара илаһи тәлимләри баша салсын. Бу илаһи пејғәмбәрләрин (ә) мүбарәк вүҹуду мејар һесаб едилир. Инсанлар илаһи пејғәмбәрләрин (ә) ҝәтирдикләри тәлимләр әсасында доғру јолу тапырлар. Илаһи пејғәмбәрләрин (ә) сонунҹусу олан Һәзрәт Мүһәммәд (с) пејғмбәр һәтта өмрүнүн сонларына јахын издиһам ичиндә Гуран вә Әһли-бејтини (ә) үммәтә тапшырды вә бујурду ки, онлара сарылсаныз, һеч заман јолунузу азмазсыныз.
Бир чох мәзһәбләр тәрәфиндән Әһли-бејт сөзү мүәјјән мәналара јозулмуш, Әһли-бејт мәфһумуна бир сыра мисдаглар нисбәт верилмишдир. Әһли-бејт мәфһумуна һәтта Әзиз Пејғәмбәримизин (с) бүтүн сәһабәләрини, ханымларыны, өвладларыны, әмиләрини, дајыларыны – бир сөзлә бүтүн гоһум - әгрәбасыны белә аид едәси олсаг ханым Зәһра (с.ә) бу аиләнин үзвләриндән һесаб едилмәлидир. Ән азындан ханым - әри она тәлаг вердији һалда артыг әринин Әһли-бејтиндән јәни аиләсиндән сајылмыр. Амма бир ата гызыны ушаглар евинә тапшырса белә о гыз јенә дә атасынын гызыдыр вә Әһли-бејтиндән сајылыр.
Бу кичик тәһлил бизи буну демәјә әсас верир ки, ханм Зәһра (с.ә) Әһли-бејтдән (ә) биридир, Гуранын вә һәдисләрин Әһли-бејт (ә) һаггында бујурдуғу фәзиләтләрә гејдсиз-шәртсиз саһибдир.
"Тәтһир" ајәси ханым Зәһраны (с.ә) мәсум вә һәр нөв риҹсдән (чиркинликдән) пак билир, "Мүбаһилә" ајәси о Һәзрәти (с.ә) пејғәмбәрин (с) ханымлардан белә үстүн вә фәзиләтли һесаб едир. "Мәвәддә" ајәси исә Ханым Зәһранын (с.ә) мәһәббәтини үммәтә ваҹиб едиб. Бүтүн бунлардан әлавә бир сыра нәбәви һәдисләр дә вардыр ки, ханым Зәһранын (с.ә) фәзиләтләрини ачыг-ашкар бәјан едир. Бу һәдисләрин бириндә Ислам Пејғәмбәри (с) ханым Зәһранын (с.ә) гәзәбијлә Аллаһын гәзәбләнмәсини билдирир. Јәни һәр кимә Ханым Зәһра (с.ә) гәзәб едәрсә, о шәхс Аллаһын гәзәбинә туш ҝәләр. Бу һәдис барәсиндә һеч бир мәзһәб ихтилаф етмәјиб. Нәзәри олараг бу вә бу мәзмунда олан һәдисләр үзәриндә бүтүн мәзһәбләр иттифаг едиб. Һәтта Имам Әлидән (ә) әввәл һакимијјәтә саһибләнмиш шәхсләрин өзләри белә Ханым Зәһрадан (с.ә) һалаллыг алмаға ҝәлмишләр. Демәли, Әһли-бејтин (ә) һәр бир үзвү кими Ханым Зәһра (с.ә) да сөзүн һәгиги мәнасында һагла батил арасында бир фасилә вә мејардыр. Гәзәби Аллаһы гәзәбләндирән инсан разы олмаса Аллаһ да разы олмаз. Ону гәзәбләндирән Аллаһы гәзәбләндирмишдир. Ону севиндирән, разы салан Аллаһы вә Пејғәмбәрини (с) разы салмышдыр.
Бу ҝүнләр әјјами-фатимијјә адланыр. Бу ҝүнләр Һәзрәт Зәһранын (с.ә) шәһадәт ҝүнләридир. Ханым Зәһра (с.ә) Имам Әлинин (ә) илк шәһид шиәси һесаб едилир. Онун һаггыны дифа етмиш, үммәти бу истигамәтдә аҝаһ етмиш, јашајышы кими шәһадәтијлә дә инсанлара јол ҝөстәрмиш, һагла батил арасында мејар функсијасыны јеринә јетирмишдир. Гәзәби Аллаһын гәзәбинә сәбәб олан бу пакизә ханым (с.ә) өз зәманәсинин имамы үнваны илә анҹаг Имам Әлини (ә) мүдафијә етмиш, башга һеч бир шәхси имам кими танымамышдыр.Әкс һалда зәманәсинин имамыны танымадан өлән шәхсин ҹаһиллә дөврүнүн өлүсү кими, јәни кафир кими өлмәсини билән шәхс өз ахирәтини сығорталамаг үчүн Имам Әлидән (ә) өнҹәкиләрин хилафәтини рәсми олараг таныјарды. Онун таныдығы имам исә Имам Әли (ә) олуб.
Тарихчиләрин јаздығына ҝөрә Ханым Зәһра (с.ә) Ислам пејғәмбәринин (с) вәфатындан сонра алты ај јашады. Бу мүдәт әрзиндә зүлмү ифша едиб, һаггы тәблиғ етди. Имам Әлинин (ә) илк һимајәдары вә шәһид шиәси һесаб едилди. Өзүнү мүсәлман һесаб едән һәр бир шәхс өз һәјат јолунда Ханым Зәһраны (ә) өзүнә үлҝү һесаб етмәли, нәзәри јох, практики олараг өзү үчүн һәзрәтин (с.ә) һәјатына ујғун һәјат тәрзи гурмалыдыр, јәни һәјатыны паклыг вә тәһарәтлә баша вурмалыдыр.
Әјјаме-фатимијјә мүнасибәтијлә имами-заман Һәзрәт Мәһдијә (ә.ф) вә бүтүн Әһли-бејт (ә) ашигләринә тәслијәт әрз едирик.


5700 بازدید
در حال ارسال اطلاعات...