Шрифт өлчүсү:
А+
А
А-
08 Феврал 2017

Һәзрәт Нуһун әзаб истәјинә Аллаһын ҹавабы

Аллаһ өз бәндәләрини сонсуз мәһәббәтлә севир. Буну дәрк етмәк Бизим үчүн чәтиндир
Имам Садигдән (ә) нәгл олунмушдур ки, һәзрәт Нуһ 300 ил гөвмүнү Аллаһа доғру дәвәт едиб, јалныз инадкарлыгла растлашдыгдан сонра бу инсанлары ләнәтләмәк гәрарына ҝәлди. Мәләкләр һәзрәт Нуһдан бу ишдән чәкинмәсини истәдиләр. Бу истәкдән сонра Нуһ өз гөвмүнә 300 ил мөһләт верди. Амма онлар төвбә вә мүтилик јолуну тутмадылар. Нуһун өмрүндән 600 ил өтсә дә, јенә гөвмү она иман ҝәтирмәди. Һәзрәт Нуһ икинҹи дәфә бәла истәмәк гәрарына ҝәлди. Нөвбәти дәфә мәләкләр Нуһун ҝөрүшүнә ҝәлиб, ону бу фикриндән дашындырдылар. Һәзрәт Нуһ јенидән гөвмүнә 300 ил мөһләт верди. Беләҹә, пејғәмбәрин өмрүндән 900 ил өтдү, амма иман ҝәтирәнләр чох аз олду. Нуһ јенидән гөвмүнү ләнәтләмәк гәрарына ҝәлди. Бу дәфә Аллаһ-тәаладан ајә назил олду: “Нуһа вәһј олду ки, әввәлкиләрдән савајы кимсә иман ҝәтирмәјәҹәк. Бунун үчүн дә онларын әмәлләринә ҝөрә гәмләнмә.” (“Һуд”, 36) Бунун ардынҹа һәзрәт Нуһ өз гөвмүнә нифрин охуду: “Пәрвәрдиҝара! Бу кафирләрдән бирини дә јер үзүндә сахлама. Әҝәр сахласан онлар Сәнин бәндәләрини аздырар, јалныз ҝүнаһкар вә кафир доғуб-төрәдәрләр.” (“Нуһ”, 27)
Бәли, һәзрәт Нуһ өз гөвмүнә нифрин етди. Аллаһ әмр етди ки, Нуһ бир хурма ағаҹы әксин. Хурма әкән Нуһун јанындан өтәнләр 900 јашында бу ишлә мәшғул олдуғуна ҝөрә ону мәсхәрәјә гојурдулар. Ағаҹын әлли јашы тамам оланда Аллаһ әмр етди ки, Нуһ о ағаҹы кәссин. Бунун ардынҹа Аллаһын әзабы назил олду. (Әли ибн Ибраһим Гумми, “Тәфсирул-Гумми”)
Аллаһ өз бәндәләрини сонсуз мәһәббәтлә севир. Буну дәрк етмәк Бизим үчүн чәтиндир. Инсанлар арасында ән али мәһәббәт ананын өвлада мәһәббәтидир. Амма ананын гәлбиндә гәрар верилмиш мәһәббәт илаһи мәһәббәт океанынын һәтта бир дамласы дејил. Аллаһ һәмин сонсуз мәһәббәт әсасында бәндәләринин сәадәтә, Аллаһа јахын мәгама чатмасыны истәјир. Бу мәгсәдлә вәзифәләр мүәјјәнләшдирилмишдир. Бәзи ишләр әмр олунмуш, бәзи ишләрә гадаға гојулмушдур. Инсан бу ҝөстәришләрә әмәл етмәклә Аллаһын разылығыны газаныр, хошбәхтлијә чатыр. Аллаһ һәтта ҝүнаһа батан инсана төвбә вә ҝүнаһларыны јумаг үчүн мөһләт верир.


5215 بازدید
در حال ارسال اطلاعات...