Мөтәбәр рәвајәтләрдә билдирилир ки, һәзрәт Пејғәмбәр (с) вә имам Әли (ә) имам Һүсејнин (ә) шәһадәтини әввәлҹәдән хәбәр вермишләр
Ҹаваб: Şиә мәнбәләриндәки рәвајәтләрә ҝөрә Имам (ә) гејби биликләрдән хәбәрдар иди. Гурани-кәримдә билдирилир ки, Аллаһ Пејғәмбәрдән (с) башга һеч кәсә өз гејбини әјан етмәз. (“Ҹинн”, 26, 27.) Демәк, Аллаһын изни илә мәсум имамлар һәзрәт Пејғәмбәрдән (с) һәмин биликләри әхз едә биләрләр. Әлламә Тәбатәбаи бу барәдә јазыр: “Имам Һүсејн (ә) имамијјә шиәләринин әгидәсинә ҝөрә Пејғәмбәрин (с) үчүнҹү ҹанишини вә күллән вилајәт саһибидир. Имамын елми нәгли вә әгли дәлилләрә әсасән ики гисимдир:
1. Имам (ә) бүтүн шәраитләрдә Аллаһын изни илә варлыг аләминин һисси вә фөвгәлһисси һәгигәтләриндән аҝаһдыр. Сәмада оланлар, кечмишин вә ҝәләҹәјин һадисәләри она мәлумдур.
2. Ади елмләр. Пејғәмбәр (с) вә имам да бу саһәдә башгалары кими даһа лајиг билдикләринә ихтијари олараг әмәл едирләр.”
Мөтәбәр рәвајәтләрдә билдирилир ки, һәзрәт Пејғәмбәр (с) вә имам Әли (ә) имам Һүсејнин (ә) шәһадәтини әввәлҹәдән хәбәр вермишләр. Имама јахын адамлар Пејғәмбәрин (с) бујуруғундан хәбәрдар олдугларындан вә Бәни-үмәјјәнин Ислам дүнјасына зүлмләрини ҝөрдүкләриндән мәјус идиләр. Куфә әһлинин һәзрәт Әли вә имам Һүсејнә гаршы хәјанәткар мөвгеји бир даһа сүбут едирди ки, Имам өлүмә доғру ҝедир.
Дәфәләрлә өз өлүмү һаггында данышан имам Һүсејн (ә) бир дәфә дә олсун Језид һөкумәтинин сүгута уғрајаҹағыны билдирмирди. Имам (ә) халгы Језидә итаәтсизлијә чағырыр, ејни заманда, шәһадәтә јетириләҹәјини билдирирди. Имам (ә) ону бу сәфәрдән сахламаг истәјәнләрә бујурурду: “Мән јухуда Аллаһын Рәсулуну ҝөрдүм вә елә бир ишә мәмур олдум ки, о иши ҝөрмәјим даһа јахшыдыр. Имам Сәҹҹад (ә) нәгл едир ки, һансы мәнзилә чатырдыгса, атам Јәһја ибн Зәкәријјанын шәһадәтиндән данышырды.
Бүтүн бунлардан ајдын олур ки, Имам (ә) һәрби гәләбәјә чатмајаҹағыны вә шәһадәтә јетириләҹәјини габагҹадан билирди. О, өз шәһадәти илә Бәни-үмәјјә ханәданынын әсил симасыны ачды вә дүшүнҹәләрдә әбәди ингилаб тохуму сәпди.
