Хејир-бәрәкәт о кәсин малындадыр ки, зәкат верир...
Ислам мәтнләриндә инсанлара јардым етмәк, онларын гајғысына галмаг, ишләринә көмәк ҝөстәрмәк һаггында чохлу төвсијәләр вардыр. Имам Әлинин (ә) бу һагда чохлу сифаришләри вардыр. Бу барәдә һәзрәтин Кумејлә олан үч нәсиһәтини тәгдим едирик:
Еј Кумејл! Хејир-бәрәкәт о кәсин малындадыр ки, зәкат верир, мөминләрә көмәк вә хејирхаһлыг едир вә јахынлары вә гоһумлары илә әлагә сахлајыб онлара еһсан вә јахшылыг едир.
Еј Кумејл! Өз гоһумларын вә јахынларындан олан мөминләрә сәнинлә гоһум олмајан саир мөминләрдән даһа артыг әл тут вә онлара гаршы даһа артыг меһрибан вә мәрһәмәтли ол вә јохсуллара да сәдәгә вер.
Еј Кумејл! Сәндән бир шеј истәјән һеч бир кәси әли бош гајтарма, һәтта, јарым дәнә үзүм ҝиләси дә олса она вер. Чүнки, сәдәгә Аллаһ дәрҝаһына уҹалдыгҹа бөјүјүр.
