Шрифт өлчүсү:
А+
А
А-
13 Декабр 2016

Имам Әлинин (ә) шиәси олмағы арзу едән улул-әзм пејғәмбәр

Илаһи, мәни дә Әли ибн Әбу Талибин (ә) шиәләриндән ет.
Сәһабәләрдән бир групу Рәсули-әкрәмлә (с) бирликдә отурмушду. Һәзрәт онлара мераҹ һадисәсини изаһ едәрәк бујурду: О ҝеҹә мәни сәмаја тәрәф мераҹа апардылар. Үчүнҹү ҝөјә чатанда мәним үчүн минбәр гурдулар вә мән минбәрә чыхдым. Ибраһим (ә) әршин ашағы пилләсиндә вә диҝәр пејғәмбәрләр дә ондан ашағыдакы пилләләрдә дајандылар...
Бирдән Әли (ә) заһир олду. О, нурдан олан бир дәвәјә минмишди, симасы 14 ҝеҹәлик ај кими парлајырды вә бир дәстә парлаг улдуз онун дөврәсиндә иди.
Бу вахт Ибраһим (ә) мәнә деди: Бу нурлу симада ҝөрүнән һансы бөјүк пејғәмбәр, ја һансы мүгәррәб мәләкдир?
Она дедим: Бу нә пејғәмбәрдир, нә дә мәләк. Бу, мәним гардашым, әмим оғлу, күрәкәним вә елмимин вариси Әли ибн Әбу Талибдир (ә).
Ибраһим (ә) сорушду: Онун дөврәсинә топлананлар кимләрдир?
Дедим: Онлар Әли ибн Әби Талибин (ә) шиәләридир.
Онларын әзәмәтини ҝөрән һәзрәт Ибраһим (ә), Әлинин (ә) шиәләриндән олмаг истәди. Аллаһа әрз етди: Илаһи, мәни дә Әли ибн Әбу Талибин (ә) шиәләриндән ет.
Сонра Рәсули-әкрәм (с) сәһабәләринә бујурду: Мәндән өнҹәки пејғәмбәрләрә салават ҝөндәрмәк истәдикдә, әввәл мәнә салават ҝөндәрин, сонра онлара. Анҹаг Ибраһимә (ә) салават ҝөндәрмәк истәдикдә әввәл она, сонра мәнә салават ҝөндәрин.
Сәһабәләр сорушду: Еј Аллаһын елчиси! Бунун сәбәби нәдир?
Пејғәмбәр (с) бујурду: Чүнки Ибраһим, Әлинин (ә) шиәләриндән олмағы арзу едирди.


4821 بازدید
در حال ارسال اطلاعات...