Шрифт өлчүсү:
А+
А
А-
26 Нојабр 2016

Әглдән фајдалы дөвләт јохдур

Наданлыгдан бөјүк фәгирлик јохдур
Пејғәмбәрин (с) нәзмлә олан һикмәтли кәламлары

Мөмин бир јердән ики дәфә санҹылмаз. Ҹамаата тәшәккүр етмәјән Аллаһа да шүкр етмәјиб. Гәзаны (гәза вә гәдәри) дуадан башга һеч нә гајтармаз, өмрү башгаларына јахшылыг етмәкдән башга бир шеј артырмаз.

Ибрәт ҝөтүрмәјәндән башгасы сәбирли һесаб олунмаз. Наданлыгдан бөјүк фәгирлик јохдур. Әглдән фајдалы дөвләт јохдур. Худпәсәндликдән (өзүнәпәрәстиш, егоизм) дә дәһшәтли тәнһалыг јохдур. Мәшвәрәт етмәкдән ҝөзәл һәмкарлыг јохдур.

Тәдбир әглин ән ҝөзәл нүмунәсидир. Хошхасијјәтлик ән јахшы әсл-нәҹабәтдир. Ҝүнаһдан чәкинмәк кими пәрһизкарлыг јохдур. Тәфәккүр кими ибадәт јохдур. Сәбр вә һәја кими иман јохдур.

Һәдди-бүлуға чатан һеч кәс јетим һесаб олунмур. Әманәтдар олмајан кәсин иманы јохдур, әһдә вәфа етмәјәнин дә дини јохдур. (Јәни, дин вә иманлары зәифдир.)

Үч ҝүндән артыг күсүлү галмаг олмаз. Истиғфар (бағышланма диләмәк) васитәсилә бөјүк ҝүнаһ галмаз, тәкрар васитәсилә кичик ҝүнаһ (јәни кичик ҝүнаһлары тәкрарламағын өзү) бөјүк ҝүнаһдыр. Дини үчүн гәм чәкмәкдән башга гүссә јохдур.

Гуран охујан бәндә фәгирлик ҝөрмәз. Еһтијат мүгәддәр олунан шејин гаршысыны алыр. Мөмин еһтијаты әлдән вериб гәфләтә дүшмәз. Башчысы гадын олан милләт доғрулуғун үзүнү ҝөрмәз. Ҝәрәк мөмин өзүнү хар етмәсин. Икиүзлү адам Аллаһ јанында етибарлы дејил. Ата-ана вә әдаләтли имамдан башгасына јалтагланмаг рәва дејил. Аллаһа ҝүнаһ етмәкдән өтрү һеч кәсә итаәт етмәк олмаз. Сөз ҝәздирәнләр әсла беһиштә ҝетмәз (төвбә едәнләрдән башга). Гоншусу ондан аманда олмајан һеч бир бәндә беһиштә ҝетмәз.


4010 بازدید
در حال ارسال اطلاعات...