«Узағы вә јахыны ҝөстәрмәк үчүн чырағ вә рәһбәр оланлара Аллаһ рәһмәт етсин».
Данышаркән динләјиҹинин тутуму нәзәрә алынмалыдыр. Динләјиҹинин дәрк едә билмәјәҹәји бүтүн мәтләбләр «сирр» һесаб олунур. Һәр адамын јанында изһары мүмкүн олмајан төвһид, нүбүввәт, вилајәт маарифи дә сирдир. Әҝәр буну нәзәрә алмасаг инсанлар јолуну азар, ҹәмијјәтдә ихтилафлар јаранар. Һәр һансы иҹтимаи-сијаси мәсәлә дә сирр ола биләр.
İмам Һүсејндән (ә) сонра имамлар өмүрләринин бөјүк һиссәсини тәгијјәдә (әгидәни ҝизләмәк һалында) кечирдиләр. Чүнки мөвҹуд һакимијјәт онларын һәгигәтини дәрк етмәк гүввәсиндә дејилди. Һәгигәт ачыглајан һәр бир кәси шәһадәт ҝөзләјирди. Она ҝөрә дә мәсум имамлар әввәлҹә һал әһлини тапыр, сонра онун тутумуну јохлајыр, даһа сонра ону тәдриҹән һәгигәтин гәбулуна һазырлајырдылар. Демәк, әдаләтсиз һакимијјәт гаршысында сирр сахламаг ваҹиб ҝөстәришләрдәндир. Имам Садиг (ә) Әбдуллаһ ибн Ҹүндәбә бујуруғунда тәблиғатда доғру јол ҝедәнләри бәјәнир, бу ишдә Әһли-бејт сиррини ачанлара хәбәрдарлыг едир.
Имам Садигин (ә) дөврүндә мәһдуд сајда инсан онун имамәтини гәбул етмишди. Әксәријјәт исә бу мәгамдан хәбәрсиз иди. Һәтта имам өвладлары арасында имамәт мәсәләсиндән хәбәрсиз оланлар варды.
Бир рәвајәтдә нәгл олунур ки, Имам өвлады олан һәзрәт Зејд имам Багирдән (ә) сорушур: «Сиздән сонра имам ким олаҹаг?». Рәвајәтдән ајдын олур ки, имамәт мәсәләси Әһли-бејтә ән јахын адамлар үчүн белә суал доғурмушдур.
Имам Садиг (ә) бујурур: «Узағы вә јахыны ҝөстәрмәк үчүн чырағ вә рәһбәр оланлара Аллаһ рәһмәт етсин». Һәдисдә «чырағ» әрәбҹә «сираҹ»дан, «рәһбәр» исә әрәбҹә «мәнар»дан тәрҹүмә олунмушдур. Сираҹ бөјүклү-кичикли бүтүн чырағлара аиддир. Амма мәнарла јанашы олдугда кичик чыраг мәнасыны верир. Мәнар исә һүндүр бир јердә асылмыш вә јолчулара јол ҝөстәрән чох ишыглы бир чырагдыр. Минарә она ҝөрә һәм дә мәнар адланыр ки, гәдимдә ән һүндүр нөгтәсиндә узагдан ҝөрүнән чыраг бәркидилмиш јүксәклијә минарә дејиләрмиш. Инсанлар гаранлыгда бу минарәләр васитәси илә јолу тапармышлар. Имам (ә) өз бујуруғунда һәм јахында, һәм дә узагда оланлара доғру јол ҝөстәрәнләри нәзәрдә тутур.
