Шрифт өлчүсү:
А+
А
А-
30 Август 2020

СЕЈЈҮДҮШ-ШҮҺӘДА МҮСИБӘТИНИН ӘЗӘМӘТИ

“Сејјидүш-шүһәданын (ә) шәһадәтиндә једди асиман вә јерләр ағладылар.”
Һзәрәт Зејнәбин тагәтсизлији вә һушдан ҝетмәси, онун имам Һүсејнә (ә) олан сонсуз мәһәббәти вә һабелә Сејјүдүш-шүһәда мүсибәтинин әзәмәт вә бөјүклүјүндән хәбәр верир. Бу әзәмәт вә бөјүклүк Аллаһ кәламы олан “Ашура зијарәтиндә дә ајдын нәзәрә чарпыр.”

«Ја Әба Әбдиллаһ, ләгәд әзумәтир-рәзијјәту. Вәҹәлләт вә әзумәтил мусәбту бикә әләјна вә әла ҹәмии әһлил ислами вәҹәлләт вә әзумәт мусибәтукә фиссәмавати әла ҹәмии әһлис-сәмават».

“Еј Әба Әбдиллаһ! Һәгигәтән сәнин мүсибәтин бөјүк мүсибәтдир. Сәнин мүсибәтин бизә вә бүтүн ислам әһлинә бөјүк вә әзәмәтлидир.”

Сәнин мүсибәтин ҝөјләрдә бүтүн сәмави мөвҹудлара да бөјүк вә әзәмәтлидир.
Һәзрәт имам Һүсејнин (ә) мүсибәтинин әзәмәт вә бөјүклүјүнү имам Заманын (ә) мүгәддәс наһијә зијарәтиндәки јаныглы сөзләриндән дә баша дүшмәк олар. О, Сејјидүш-шүһәдаја хитабән дејир: “Бахмајараг ки, дөвран бизи ајры салды вә Аллаһын тәгдири мәни сәнә көмәк етмәјә гојмады. Мән о вахт олмадым ки, сәнинлә дөјүшәнләрлә дөјүшүб, сәнин дөүшмәнләринлә дүшмәнчилик едәм. Амма, сәнин мүсибәтләрин үчүн тәәссүф вә һәсрәтлә ҝеҹә-ҝүндүз ағларам. (Вә әҝәр ҝөзләримин јашы гуруса) сәнин үчүн јаш јеринә ган ағларам, гәм вә гүссәнин шиддәтиндә ҹан верәнәдәк!”

Имам Һүсејнин (ә) шәһадәтинин ағырлығы имам Рзанын (ә) кәламында да әкс олунмушдур.

«Ләгәд бәкәтис-сәмаватис-сәби вәл әрәзунә лигәтлиһи».
“Сејјидүш-шүһәданын (ә) шәһадәтиндә једди асиман вә јерләр ағладылар.”

Һәмчинин бујурур:
«Ләмма гутилә ҹәддијәл Һусәјн әмтәрәт-тисәмау дәмән вә турәбән әһмәрә».
“Ҹәддим Һүсејн өлән заман сәмадан ган вә гырмызы торпаг јағды.” Әҹәба! Бу нә мүсибәтдир ки, јер вә ҝөјләри, ҹин вә мәләкләри, аләмин бүтүн мөвҹудатыны матәмә гәрг етди!

Зејнәбин бөјүк гәлби исә әзәмәт вә тәнтәнә илә бу мүсибәтләрә тамаша едир вә өз тәмкини илә һамыны һејрәтә салыр.
Бәли, Зејнәб руһу кими әзәмәт вә ҹәлаллы бир руһ, Зејнәб гәдәмләри кими мөһкәм гәдәм, Зејнәб гәлби кими бөјүк гәлб вә Зејнәб үрәји кими ҝениш үрәк лазымдыр ки, бүтүн бу мүсәбәтли јоллары гәт едиб ахыраҹан һәрәкәт етсин.


6518 بازدید
در حال ارسال اطلاعات...