Шрифт өлчүсү:
А+
А
А-
07 Октјабр 2016

Дәрдини гујуја данышан ағам!

“Мејсәм! Мән гајыдана кими бу хәттдән ирәли ҝәлмә”.
Мејсәм дејир: “Бир ҝеҹә мөвлам Әмирәлмөминин (ә) мәни өзү илә Куфәдән гыраға апарды. Нәһајәт, Ҹөфә мәсҹидинә чатдыг. Һәзрәт үзүнү гибләјә тутуб, дөрд рәкәт намаз гылды. Салам вә тәсбиһдән сонра әлләрини галдырыб белә дуа етди: “Илаһи, Сәни неҹә чағырым? Һалбуки, сәнин хәтакар бәндәнәм. Вә Сәни неҹә чағырмајым? Һалбуки, Сәни таныјырам вә Сәнин ашигинәм. Илаһи! Ҝүнаһа булашмыш әл, үмид долу ҝөзлә Сәнә доғру ҝәлмишәм. Сән бүтүн немәтләрин саһиби, мән исә хәталарымын әсиријәм…”.
İмам (ә) дуаны ахыра гәдәр охујуб гуртардыгдан сонра сәҹдәјә ҝетди вә үзүнү торпаға гојуб јүз дәфә “әл-әфв” деди. Даһа сонра галхды вә мәсҹиддән бајыра чыхды. Мән дә онун ардынҹа ҝедирдим. Нәһајәт, сәһранын ортасына чатдыг. Һәзрәт мәним гаршымда бир хәтт чәкәрәк деди: “Мејсәм! Мән гајыдана кими бу хәттдән ирәли ҝәлмә”. Һәзрәт (ә) өзү тәк ҝетди вә гаранлыгда ҝөзүмдән итди.
Бир аздан мәни нараһатлыг бүрүдү. Өзүмү гынадым ки, нә үчүн ағамы бу гәдәр дүшмән арасында тәнһа бурахдым? Она бир һадисә үз версә, Аллаһа вә Онун Пејғәмбәринә (с) нә ҹаваб верәҹәксән? Аллаһа анд олсун! Онун сөзүндән чыхмыш олсам да ардынҹа ҝедәҹәм ки, ондан бир хәбәр тутум.
Ону ахтарараг бир гујунун башында ҝөрдүм. Әмирәлмөминин (ә) башыны бәдәнинин јарысына гәдәр гујуја салыб, дәрдини она данышырды. Мәним ҝәлдијими һисс едән кими сорушду: “Кимсән?” Дедим: “Мејсәм”. Имам (ә) бујурду: “Сәнә әмр етмәмишдим ки, хәтдән ирәли кечмәјәсән?” Дедим: “Еј мәним мөвлам! Дүшмәнләринин сәнә гаршы тәһлүкәсиндән горхдум. Она ҝөрә дә үрәјим дөзмәди”. Имам (ә) сонра сорушду: “Нә дедијими ешитдинми?” Дедим: “Хејир, еј мәним мөвлам”.
Һәзрәт мәнә хитаб едәрәк бу шери охуду:
“Синәмдә елә сирләрим вардыр ки, мәни сыхдыгда әлимлә јери јарырам вә сирләрими ора гојурам. Бәс һәр вахт јер бир шеј битирсә, мәним әкдијим тохумлардандыр”.

Гајнаг: “Биһарул-әнвар”, ҹ. 40, сәһ. 199.

Һазырлады: Сејид Заһир


3709 بازدید
در حال ارسال اطلاعات...