Шрифт өлчүсү:
А+
А
А-
06 Октјабр 2016

Имам Садиг (ә): Гапынын гаршысында отуран мән идим!

Бәс нә үчүн мәҹлисә дахил олмадыныз ки, мәҹлисин башында әјләшәсиниз?
Фүзејл дејир: Мәһәррәм ајынын илк ҝүнүндә Имам Садиг (ә) мәнә бујурду: “Дүнән ахшам һарада идин?” Дедим: Дүнән бир нәфәр деди ки, мән тәзә Ајы ҝөрдүм вә бу ҝеҹә Мәһәррәмин илк ҝеҹәсидир. Она ҝөрә дә сизин достларыныздан олан бир нәфәр Мәһәррәм ајынын әввәли мүнасибәтилә мәҹлис тәшкил етди. Биз дә ҹәддиниз һәзрәт Имам Һүсејнә (ә) вә о һәзрәтин әһли-бејтинә әзадарлыг етмәк вә ағламаг үчүн о мәҹлисдә иштирак етдик, сиз Әһли-Бејтә (ә) үз верән мүсибәтләрә ағладыг.
İмам Садиг (ә) бујурду: “Аллаһ сәнин үрәјини нурландырсын, сәнә үрәк ҝенишлији мәрһәмәт етсин. Сәнә бу јахшы әмәлинә вә Пејғәмбәрин (с) әһли-бејтинә севҝинә ҝөрә мүкафат версин”.
Сонра һәзрәт бујурду: “Еј Фүзејл! Мәҹлисдән чөлә чыханда бир кәслә гаршылашмадын?” Дедим: Бәли, сәнә фәда олум. Гапынын гаршысында отурмуш бир нәфәрлә растлашдым. Имам (ә) бујурду: “О шәхси таныдын?” Дедим ки, һава гаранлыг олдуғу үчүн ону таныја билмәдим.
Һәзрәт (ә) бујурду: “Гапынын гаршысында отуран мән өзүм идим!”
Дедим: Аллаһу Әкбәр! Бәс нә үчүн мәҹлисә дахил олмадыныз ки, мәҹлисин башында әјләшәсиниз? Анд олсун Аллаһа, матәм саһиби сизсиниз вә бизә ваҹибдир ки, сизә башсағлығы верәк.
İмам Садиг (ә) бујурду: “Мән мәҹлисә дахил олмаг истәјирдим, амма ҝөрдүм ки, ҹәддим Пејғәмбәр (с), Әмирәлмөминин (ә), Фатимә (с.ә) мәҹлисин башындадырлар вә Әба Әбдиллаһ Һүсејнә (ә) ағлајыр, нөвһә вә әзадарлыг едирләр”.

Гајнаглар:
“Сәмәрәтул-әвад”, ҹ. 1, сәһ. 16.
“Әјнәл-букаиун”, сәһ. 14.
“Мәсариул-әбәрә”, ҹ. 1, сәһ. 17.
“Еһраму Мәһәррәм”, сәһ. 50.

Һазырлады: Сејид Заһир


4122 بازدید
در حال ارسال اطلاعات...