Бөјүк алимләрдән бири Зәмәхшәри (“Кәшшаф” тәфсиринин мүәллифи) Харәзмә етдији сәфәрләрдән бириндә бәрк сојугла үзләшди. Ҝүҹлү сојугдан дондуғу үчүн ајағыны кәсмәли олдулар. Зәмәхшәри бу һадисәнин сәбәбини белә бәјан едир: “Бу һадисә анамын гарғышына ҝөрә олду. Мән ушаглыгда бир сәрчә тутуб ајағына ип бағладым вә түкләрини јолдум. Бу вахт гуш әлимдән чыхды вә бир дешијә дахил олду. Амма ајағында ип олдуғу үчүн дешикдән чөлдә галды. Мән ипи мөһкәм дартдым. Буна ҝөрә дә гушун ајағы бәдәниндән ајрылды. Анам бу һадисәни биләндә әсәбләшди вә деди: Аллаһ сәнин ајағыны кәссин. Неҹә ки, бу дилсиз һејванын ајағыны бәдәниндән ајырдын.” (“Гозәрҝаһе-ибрәт”, сәһ. 79.)
