Бир гызын Ајәтуллаһ әл-үзма Вәһид Хорасанијә мәктубу
Субај гызам. Јахшы аиләдән олмағыма вә һиҹаба камил риајәт етмәјимә бахмајараг индијә кими мәнә елчи ҝәлмәјиб. Бу мәсәләјә ҝөрә дост-танышларым, һәтта гардашларым мәни истеһза едирләр. Она ҝөрә дә чох әзијјәт чәкирәм. Зәһмәт олмаса, мәнә бир јол ҝөстәрин.
Ајәтуллаһ әл-үзма Вәһид Хорасанинин төвсијәси
Сүбһ намазы кими ики рәкәт намаз гылын вә намаздан сонра һәзрәт Зәһра (с.ә) тәсбеһини дејин. Јахшы олар ки, башы сәҹдәјә гојараг 14 дәфә салават ҝөндәрилсин вә 100 дәфә дејилсин: “Аллаһуммә хир ли вәхтәр ли”. Бундан сонра јенә 14 дәфә салават ҝөндәрсин. Бу намаз вә гејд олунан дуалары мүхтәлиф ҝүнләрдә тәкрар олараг јеринә јетирмәк лазымдыр ки, Аллаһ издиваҹ мәсәләсиндә јол ачсын.
Һабелә, һәзрәт Зәһраја (с.ә) истиғасә намазы гылынсын. Бу намазын гылынма гајдасы Мәфатеһул-ҹинан китабында ҝәлмишдир. Ики рәкәт намаз гылыныр, намазын саламындан сонра 3 дәфә тәкбир дејилир вә һәзрәт Зәһра (с.ә) тәсбеһи охунур. Сонра сәҹдәјә баш гојараг 100 дәфә дејилир: “Ја мовлати, ја Фатимә әғисини”. Сонра үзүн сағ тәрәфи сәҹдәјә гојулур вә 100 дәфә дејилир: “Ја мовлати, ја Фатимә әғисини”. Даһа сонра сол үз јерә гојулур вә һәмчинин 100 дәфә ејни зикр дејилдикдән сонра јенидән алын јерә гојулур вә 110 дәфә һәмин зикр охунур. Зикри битирдикдән сонра һаҹәт истәнилир. Аллаһын истәјилә һаҹәт гәбул олунар.
