Ислам мәмләкәтинин һәр јеринә елә јајылмышды ки, о Һәзрәт “Багирүл-үлум” ләгәби алмышды.
Имам Багир әлејһиссәламын елм сәдасы Ислам мәмләкәтинин һәр јеринә елә јајылмышды ки, о Һәзрәт “Багирүл-үлум” (елм гапыларыны ачан, елми мүшкүлаты һәлл едән) ләгәби алмышды.
İбн Һәҹәр Һејтәми јазыр: “Мәһәммәд Багир (әлејһиссәлам) маарифин ҝизли дәфинәләрини тапараг о гәдәр елмләри ашкар етмиш, һәмчинин, әһкам вә һикмәтләрин һәгигәтләрини, елмин инҹәликләрини бәјан етмишди ки, бу мәсәлә бәсирәт саһиби олмајан, ја да пис дүшүнҹәли инсанлардан башга һеч кимә ҝизли галмамышдыр. Елә буна ҝөрә дә, ону елмләри јарыб өзүндә ҹәмләшдирән, елм бајрағыны уҹалдан адландырмышлар.” (Әс-Сәваигүл-мүһригә, сәһ.201.)
Имам Багир әлејһиссәламын дөврүндә јашамыш ҝөркәмли алим вә бөјүк шәхсијјәт Абдуллаһ ибн Әта дејир: “Мән Ислам алимләрини һеч бир мәҹлисдә Мәһәммәд ибн Әли әлејһиссәламын мәҹлисиндәки гәдәр елми ҹәһәтдән кичик вә ашағы сәвијјәдә ҝөрмәдим. Елм вә шәриәт һөкмләриндә бүтүн аләмдә танынан Һәкәм ибн Үтејбәни Мәһәммәд Багир әлејһиссәламын һүзурунда јүксәкрүтбәли мүәллим гаршысында диз чөкүб әјләшән, онун шәхсијјәт вә сөзләринә һејран галан бир ушаг (шаҝирд) кими ҝөрдүм.” (Тәзкирәтүл-хәвас, сәһ.337; Әл-Бидајәту вән-ниһајә, ҹ.9, сәһ.311.)
İмам Багир (әлејһиссәлам) өз сөзләриндә адәтән Гуран ајәләринә истинад едәрәк Аллаһ кәламындан шаһид ҝәтирир вә бујурурду: “Дедијим һәр һансы мәсәләни мәндән сорушсаныз ки, бу, Гуранын һарасындадыр, мән о мәсәләјә аид олан ајәни сизә ҝөстәрәрәм.” (Еһтиҹаҹ, сәһ.176.)
