О, ҝәләндә өзү илә сәнә бир шеј ҝәтирирми? Ҹаван дејир: Бәли, о һәр дәфә ҝәләндә мәнә һәдијјә ҝәтирир.
Ајәтуллаһ әл-үзма Вәһид Хорасани дејир:
Нәҹәфдә олдуғум ҝәнҹ јашларымда Һаҹы Шејх Мәһәммәд Лаһиҹани бир әһвалат данышды вә деди ки, мән бу әһвлат саһибини гоҹа јашларында ҝөрмүшдүм.
Шејх Әнсаринин бөјүк устад адландырдығы “Ҹәваһир” китабынын мүәллифи мәрһум Кашифул-Гита Шејх Ҹәфәр Лаһиҹана ҝедир. Орада олдуғу мүддәтдә онун јанына зәфиликдән бир дәри, бир сүмүк галмыш бир ҹаван оғлан ҝәтирирләр. Ҹаванын атасы дејир: Бу ҹаван дәрдини бизә демир. Сиз динин руһанисисиниз. Сиздән итаәт едир вә бәлкә сөзүнү сизә ачды. Шејх тәкликдә ҹавандан она нә олмасыны сорушду. Ҹаван деди:
Мән чох ҝөзәл, рәшид вә гүввәтли идим. Бир ҝүн мешдә бир гызла растлашдым. Онун ҝөзәлликдә тајы-бәрабәри јох иди, нә дә онун ҝөзәллијини вәсф етмәк мүмкүн дејил. Гыз мәнә ешг елан етди. Мән чарәсиз галараг онун истәјини гәбул етдим. Бирдән руһ бәдәниндән чыхан адам кими бир тәһәр олдум, һалым дәјишди вә јерә јыхылдым. О, мәнә деди: Мән һәр вахт ҝәлсәм, сәнин бу ишдән бојун гачырмаға ихтијарын јохдур. Беләликлә, о һәр вахт ҝәләндә бир дағ кими, гара, һәјасыз һалда олурду вә аддым-аддым јахынлашдыгҹа кичилирди. Мәнә чатдыгда исә бу шәкилә (ҝөзәл гыз шәклинә) дүшүрдү. Бу ҝөрүшләрдән мән бу вәзијјәтә дүшмүшәм.
Шејх ондан сорушур: О, ҝәләндә өзү илә сәнә бир шеј ҝәтирирми? Ҹаван дејир: Бәли, о һәр дәфә ҝәләндә мәнә һәдијјә ҝәтирир.
Şејх бир кағыз алыб ону ики һиссәјә бөлүр вә онун һәр ики һиссәсинә нәјсә јазараг ҹавана вериб дејир: Буну онун ҝәтирдији һәдијјәнин үзәринә гој. Буну да сахлајырсан, нә вахт ҝәлсә онун гаршысына гојурсан.
Шејх ҝөстәришини вердикдән сонра оғланы апардылар. Сәһәри ҝүн јенә Шејхин јанына ҝәтирдиләр. Шејх нә һадисә баш вермәси һаггында сорушду. Ҹаван деди: О јенә дедијим гајда илә ҝәлди. Мәнә чатанда вәрәги она ҝөстәрдим. Вәрәги ҝөрән кими деди: Ҝетдин, Шејх Ҹәфәр Кашифул-Гитаја дедин? Дедим: Бәли.
О дәрһал ҝәтирдији һәдијјәләрә тәрәф ҝетди. Орада да вәрәги ҝөрдү. Сонра гајыдыб түстү олду вә ҝетди.
Шејх Ҹәфәрин бу көмәјиндән сонра ҹаванын вәзијјәти јахшылашмаға башлады. Бу һадисә Лаһиҹанда јајылды вә мәҹлисләрдә бунун сөһбәти дилләрә дүшдү. Бөјүк алимләр Кашифул-Гитадан нә етмәси барәдә сорушдулар? Шејх деди: Мән тәкҹә јаздым: “Бисмиллаһир-рәһманир-рәһим”.
Ајәтуллаһ әл-үзма Вәһид Хорасани бујурур: Шејх Ҹәфәр Кашифул-Гита кими бирисинин јаздығы “Бисмиллаһ”ын ҝүҹү будур.
“Аллаһ Она иман ҝәтирән вә Ондан мөһкәм јапышанлары өз мәрһәмәти, лүтфү алтына алар”-ајәсинин мәнасы будур.
Јасин сурәсинин тәфсири, 39-ҹу дәрс.
