Гијамәт ҝүнүндә мәним үммәтимдән олан он дәстә Аллаһын гәзәбинә дүчар олар вә Ҹәһәннәмә васил олар.
Һәмин инсанлар бунлардыр:
Зинакар гоҹа, јолуну азмыш рәһбәр, шәрабхор, ата-анасы илә бәдрәфтар олан, ҝүнаһсыз гадына һагсыз төһмәт вуран, сөз ҝәздирән, јаланчыја шаһидлик едән, зәката мане олан, залым вә намазы тәрк едән. Билин ки, Гијамәт ҝүнү намазы тәрк едәнин әзабы икигатдыр. Мәһшәрә ҝәлән заман әлләри бојнуна гандалланмыш һалда олар вә бу вәзијјәтдә олдуғу һалда әзаб мәләкләри одлу ҝүрзләрлә онун алнына вә јанагларына вурарлар. Беһишт она дејәр: “Нә сән мәндәнсән, нә дә мән сәндән”. Ҹәһәнннәм исә она дејәр: “Јахын ҝәл, сәнә дәһшәтли ишҝәнҹә верәҹәјәм!” Һәмин ан Ҹәһәннәм фәрјад чәкиб һәмин бәдбәхти өз ичинә алар вә о, Гарунун јанына ҝедәр. (Бу мәсәләдә јалныз о кәсләр истиснадыр ки, төвбә едәрәк намаза башлајыб вә кечмишдә әлдән вердији ваҹиб намазларынын да гәзасыны јеринә јетирир.)
