Мөмин бал арысына бәнзәјир; пак гидалар јејәр вә пак бәһрәләр верәр.
Мәним Әһли-бејтим Нуһун ҝәмиси кимидир. Һәр кәс она минсә ниҹат тапар, һәр кәс онунла мүхалифәтчилик етсә гәрг олар. Мәним әсһабым үммәтим үчүн дузун јемәјә олан нисбәти кимидир. Јемәк дә дузсуз дүзәлмәз. Мәним үммәтим јағыша бәнзәјир; башдан ајаға хејирдир. Мәлум дејил әввәли јахшыдыр јохса ахыры. Мөмин бал арысына бәнзәјир; пак гидалар јејәр вә пак бәһрәләр верәр.
Мөминнин һекајәти күләјин јолу үстүндә дуран сүнбүлә бәнзәјир. Ҝаһ јыхылыр, ҝаһ дурур (Мөмин дөвранын фитнәләри нәтиҹәсиндә титрәјиб бүдрәјир, лакин сынмыр; јенидән һәрәкәт едир). Кафирин һалы дүјүнүн сүнбүлүнә бәнзәјир; һәмишә тәрпәнмәз олараг дик галыр, јериндән дартыб чыхарыланлар гәдәр. Мөминләр достлуг вә меһрибанлыгда бәдәнин үзвләри кимидирләр. Бири ағрыјан заман о бириләр дә ојаг галыб нараһат олурлар. Гәлб, күләјин јолу үстүндә олан јарпаға бәнзәјир (нәфсани истәкләр һәр ан ону о тәрәфә-бу тәрәфә чевирир.) Гуран бағлы дәвәјә бәнзәјир, ону бағласалар галар, бош бурахсалар гачар.
Гадын әјри габырға кимидир. Әҝәр дүзәлтмәк истәсән сынар. Лакин һәмин әјриликлә ону дүзәлтсән бәһрә апарарсан. Салеһ јолдаш әтир сатан кимидир. Сәнә әтир вермәсә дә онун әтринин хош ији сәнә һопар. Пис јолдаш исә дәмирчи кимидир. Атәшинин гығылҹымы сәнә чатмаса да пис ији сәнә әзијјәт верәр. Ваҹиб намаз тәрәзијә бәнзәјир. Әҝәр тамам версәләр, тамам ҝөтүрәрләр. Дүнја илә бизим мәсәлимиз сүвари кимидир: Исти ҝүндә ағаҹ көлҝәсиндә динҹәлиб сонра һәрәкәт едәр вә көлҝәни тәрк едәр. Дүнја илә ахирәтин фәрги бармағын уҹунда олан сүмүјүн дәрја илә мүгајисәси гәдәрдир. Бармағыны дәрјаја сал ҝөр нә гәдәр су ҝөтүрә билирсән?
