Һафиз Әбу Нәим “Һилјә” адлы китабында дејир: “Әмирәлмөминин (ә) оғлу Имам Һәсәндән (ә) достлуг вә јолдашлыг барәсиндә мүәјјән суаллар сорушду, о Һәзрәт дә (ә) белә ҹаваб верди:
− Доғручулуг вә дүзҝүнлүк нәдир?
− Пислији јахшылыгла арадан апармаг.
− Шәрәф нәдир?
− Гоһум-әгрәба илә хош давранмаг вә бир кәсин бојнуна дүшән ган баһасына сәбр етмәк.
− Алиҹәнаблыг нәдир?
− Иффәтли олуб малы пак вә һалал сахламаг.
− Јерсиз зирәклик нәдир?
− Дәјәрсиз шејләрдә һәр хырдалыға фикир вермәк вә гијмәтсиз мал-дөвләтдә симиҹлик етмәк.
− Алчаглыг нәдир?
−Өзүнү дүшүнүб һәјат јолдашыны дүшүнмәмәк.
− Кәрәм нәдир?
− Рифаһ вә имкансызлыг заманы бәхшиш вермәк.
− Симиҹлик нәдир?
− Әлиндә оланы шәрәф, инфаг етдикләри тәләф һесаб етмәк.
− Гардашлыг нәдир?
− Чәтинликдә дә асанлыгда да бәрабәрлик.
− Хејир нәдир?
− Достлара әвәз вериб дүшмәни ҹәзаландырмагдан дашынмаг.
− Гәнимәт нәдир?
− Пәһризкарлыға мејл, дүнјаја гаршы мејлсизлик. Бу ән ҝөзәл вә бәјәнилмиш гәнимәтдир.
− Һелм нәдир?
− Гәзәби удуб өзүнү сахламаг.
− Еһтијаҹсызлыг нәдир?
− Аз олса да Аллаһын гисмәтинә разы олмаг. Еһтијаҹсызлыг ҝөзүтох олмагдыр.
− Фәгирлик нәдир?
− Һәр шејә гаршы һәрис вә аҹҝөз олмаг.
− Гүдрәт нәдир?
− Дөјүшдә шүҹаәтли вә үрәкли олмаг.
− Зилләт нәдир?
− Бәлаја таб ҝәтирмәмәк.
− Ҹүрәт нәдир?
− Һәмсөһбәт вә тај-тушларла һәмаһәнҝ олмаг.
− Тәкәллүф (өзүнә әзијјәт вермәк) нәдир?
− Лазымсыз данышыг.
− Бөјүклүк вә алиҹәнаблыг нәдир?
− Борҹу өдәмәк вә башгаларынын хәталарындан кечмәк.
− Әгл нәдир?
−Әгли нүмајиш етдирән мәтләбләрдән (данышыглардан) узаг олмаг.
− Нур нәдир?
− Јахшы ишләр ҝөрүб пис ишләрдән чәкинмәк.
− Еһтијат нәдир?
− Иши тәләсмәдән јеринә јетирмәк вә һакимләрлә хош кечинмәк.
− Ахмаглыг нәдир?
− Алчагларын архасынҹа ҝетмәк вә јолуну азмышларла јолдашлыг етмәк.
− Гәфләт нәдир?
− Мәсҹиди тәрк етмәк вә фәсад төрәдән ҝүнаһлара итаәт.
− Мәһрумијјәт нәдир?
− Сәнә үз ҝәтирән бәхти әлдән вермәк.
− Аға (мөһтәрәм) кимдир?
− Мал-дөвләтдә ағылдан кәм инсанлар кими олан (јәни, тез малындан кечән), сөјүш ешидәркән ҹаваб вермәјән вә өз гоһум-әгрәбасынын вәзијјәти илә мәшғул олан.
