Шрифт өлчүсү:
А+
А
А-
18 Мај 2016

МӘСУМЛАРЫН ТӨВСИЈӘЛӘРИ

"Пәрвәрдиҝара, ҝөзүмү Сәнин сәхавәт вә кәрәминә дикиб, һәмишә еһсаныны ҝөзләјирәм. Мәни одда јандырма, Сәнсән үмид јерим."
Мәсумлар өз јахынларына төвсијә етмишләр ки, халгы Аллаһын рәһмәтиндән мәјус етмәсинләр. Һәзрәт Әли (ә) оғлу имам Һәсәнә (ә) вәсијјәтиндә бујурур: “Еј оғлум, ҝүнаһкарын үмидини гырма. Олсун ки, сонда ҝүнаһкар (төвбә гылыб) хејир агибәтә чата, вәзифәсинә әмәл едән инсан исә өмрүнүн сонунда ҝүнаһа јол вериб ода дүшә. Бу вәзијјәтдән Аллаһа пәнаһ апарырыг.” (Биһар, 74-ҹү ҹилд, сәһ.239.) Имам Садиг (ә) ҹәддини тәсдигләјәрәк бујурур: “Аллаһ өз пејғәмбәрләриндән бирини ҝөндәрәрәк она вәһј етди ки, гөвмүнә десин: “Һәгигәтән, елә бир гөвм јохдур ки, мәнә табечиликлә хошһал олсун, сонра вәзијјәти дәјишсин, мәним бәјәндијим бир һалдан, бәјәнмәдијим бир һала гајытсын. Һәгигәтән, мәним рәһмәтим гәзәбимдән өндәдир. Онларын мәним рәһмәтимә олан үмидини гырмајын. Доғрудан да елә бир бөјүк ҝүнаһ олмаз ки, ону бағышламајам. Онлара де ки, мәним гәзәбимдән чәкинсинләр, өвлијаларымы горхутмасынлар. Гәзәбләндијим вахт кимсәнин мүгавимәт ҝөстәрә билмәјәҹәји гамчыларым вар.” (Үсули-Кафи, 2-ҹи ҹилд, сәһ.275.) Диҝәр бир рәвајәтдә имам Садиг (ә) Аллаһ-тәаланын белә бујурдуғуну нәгл едир: “Мән хәсис дејиләм ки, бәндәмдән нәјисә әсирҝәјәм. Мәҝәр сәхавәт, бәхшиш, кәрәм мәним дејилми?! Мәҝәр әфв вә рәһмәт мәним әлимдә дејилми?! Арзулары јеринә јетирән мән дејиләмми?! Кимдир мәндән үмидини үзән?! Арзу едәнләр мәндән гејрисиндән истәмәјә горхурму?! Әҝәр бүтүн ҝөј вә јер әһли бирликдә нәсә истәсә, сонра онлардан һәр бири о бириләри гәдәр арзуласа, онларын истәјини вермәклә гүдрәт вә мүлкүмдән зәррәҹә азалмаз. Мәним мүлкүм неҹә азала биләр?! Халгын мәнә үмидини гыранлар неҹә дә бәдагибәтдир. Неҹә дә писдир итаәтсизлик едиб мәни нәзәрә алмајанлар!” (Үсули-Кафи, 2-ҹи ҹилд, сәһ.66.)
Һәзрәт Әли (ә) “Зумәр” сурәсинин 36-ҹы ајәси илә бағлы бујурур: Бу ајә һәзрәт Һәмзәнин гатили Вәһши һаггында назил олмушдур. Вәһши Исламы гәбул етмәк фикринә дүшәндә төвбәсинин гәбул олмајаҹағындан горхду. Ајә назил олдугдан сонра Исламы гәбул етди вә деди: “Еј Аллаһын Рәсулу (с) бу ајә Вәһшијә аиддир, јохса бүтүн мүсәлманлара?” Һәзрәт (с) бујурду: “Бүтүн мүсәлманлара.” (“Тәфсири-Нурус-сәгәлејн”, 4-ҹү ҹилд, сәһ.491.) Мәшһур “Әбу Һәмзә” дуасында имам Сәҹҹадын (ә) сөзләринә нәзәр салаг. Бу дуаны һамылыгла охујуб ҹан-дилдән әмин олаг ки, мәрһәмәтли Аллаһын дәрҝаһында кимсә наүмид галмаз: “Китабында һәр бири гејд олунмуш әмәлләрә ҝөрә вај олсун мәнә. Әҝәр кәрәм вә рәһмәтинә үмид етмәсәјдим, үмидсизлији гадаған бујурмасајдын, һәр ан әмәлләримә бахыб мәјус олардым.”; “Пәрвәрдиҝара, ҝөзүмү Сәнин сәхавәт вә кәрәминә дикиб, һәмишә еһсаныны ҝөзләјирәм. Мәни одда јандырма, Сәнсән үмид јерим. Мәни ҹәһәннәм ҝирдабына салма, Сәнсән ҝөзүмүн нуру”; “Еј мәним Аллаһым, еј мәним ағам, анд олсун иззәт вә ҹәлалына, мәни ҝүнаһларыма ҝөрә говсан Сәни мәрһәмәтинә ҝөрә чағырарам. Әҝәр мәни ода дахил етсән, од әһлинә Сәнә олан мәһәббәтимдән данышарам.” (“Әбу Һәмзә Сомали” дуасы.)


4250 بازدید
در حال ارسال اطلاعات...