Аллаһын меһрибанлығы, лүтф вә кәрәми о гәдәр әзәмәтли вә һејран едиҹидир ки, бәзән Аллаһдан хәбәрсиз кафирләри дә һејрәтә ҝәтирир. Нөвбәти әһвалат ујғун һәгигәтдән данышыр:
Бир кафир һәзрәт Ибраһимдән (ә) тәам истәди. Ибраһим (ә) деди: “Әҝәр мүсәлман олсан, сәни гонаг едиб тәам верәрәм.” Кафир ҝетди. Аллаһ-тәала вәһј назил етди ки, еј Ибраһим, биз бу кафирә 70 илдир рузи веририк. Әҝәр она бир ҝеҹә рузи вериб дин истәмәсәјдин, нә оларды?!” Ибраһим (ә) һәмин кафирин ардынҹа ҝедиб ону ҝери чағырды вә тәам верди. Кафир деди: “Нә олду ки, ҝери гајытдын, мәнә тәам вердин?” Ибраһим (ә) әһвалаты данышды. Кафир деди: “Әҝәр сәнин Аллаһын бу гәдәр меһрибандырса мәнә динини өјрәт, иман ҝәтириб мүсәлман олум.” (Кәшфул-мәһҹуб, сәһ.409.)
Гәлбини бизә вер, сәфасы мәндән,
Дәрдини бизә де, дәвасы мәндән.
Гәбул ачарыны итирсән әҝәр
Ахшам мәнимлә ол, тапылсын сәһәр.
Үзүнә бағланса рузи баҹасы,
Галхыб дөјәҹләсән, саһиб ачасы
Ҝөзүндәки јаша мүштәријәм мән,
Дәрјаја дөндәррәм дамла ҝөндәрсән.
Бу ҝүнкү рузинин шүкрүнү гылсан,
Сабаһкы тәамын мәнликдир инан.
Өзүнлә һесаб чәк өлүмдән габаг,
Мәнликдир јахшыны писдән ајырмаг.
Үмидини үзмә ҝүнаһда батсан,
Бағышлајан төвбә гылан ан.
