Ҝүнаһа јол вермиш инсан пешиман олуб, һәмин јолдан ҝери дөнмәли, бир даһа ҝүнаһа батмамаг үчүн диггәтли олмалыдыр
Ҝүнаһа јол вермиш инсан үмидини итирмәмәлидир. Тәсәввүр един ки, чајын бир тәрәфиндән о бири тәрәфинә кечмәк үчүн суја һәр аддымдан бир дашлар дүзүлмүшдүр. Чајы кечмәк истәјән инсан биринҹи дашын үстүнә атылыр. Икинҹи дашын үстүнә атыларкән сүрүшүб суја дүшәрсә, бүтүн гүввәсини топлајыр ки, јенидән дашын үзәринә чыхсын. Өзүнүз дүшүнүн, һеч ола биләрми ки, сүрүшүб суја дүшән адам “гој мәни чај апарсын” дејә чобаламаја?! Әлбәттә ки, ола билмәз! Ҝүнаһ да һәмин чаја сүрүшүб исланмаг кимидир. Ҝүнаһа јол вермиш инсан пешиман олуб, һәмин јолдан ҝери дөнмәли, бир даһа ҝүнаһа батмамаг үчүн диггәтли олмалыдыр. Неҹә ки, бир дәфә сүрүшүб суја дүшмүш инсан икинҹи дәфә сүрүшмәмәк үчүн чох диггәтли олур!
“Зумәр” сурәсинин 53-ҹү ајәсиндә бујурулур:
"Еј мәним өзләринә зүлм етмәкдән һәдди ашмыш бәндәләрим, Аллаһын рәһмәтиндән үмидинизи үзмәјин. Һәгигәтән, Аллаһ бүтүн ҝүнаһлары бағышлајандыр." “Нур” сурәсинин 31-ҹи ајәсиндәÂ охујуруг:
“Еј иман ҝәтирәнләр һамыныз Аллаһа төвбә един ки, бәлкә, ниҹат тапасыныз.”Һәзрәт Пејғәмбәр (с) бујурур: “һәр дәрдин бир дәрманы вар, ҝүнаһын дәрманы төвбәдир.” Имам Багир (ә) бујурур: “Төвбә едән шәхс санки һеч ҝүнаһ етмәмишдир.”
Төвбәјә гыса тәриф верәк: Төвбә инсанын ҝүнаһдан пешиман олуб, бир даһа ҝүнаһы тәкрарламамаг һаггында Аллаһа вердији вәддир.
