Пис әхлаглы, ҝүнаһкар инсанларла достлуг инсанын бәласыдыр.
Инсан тәсир алтында дәјишкән характерә маликдир. О, Үнсијјәтдә олдуғу инсанларын хасијјәтини ҝөтүрүр, мүһитин тәсири алтында рәнҝини дәјишир. Пис әхлаглы, ҝүнаһкар инсанларла достлуг инсанын бәласыдыр. Инсан дост олдуғу мәһәббәт бағладығы инсанын нөгсанларыны, адәтән, нөгсан кими јох, јахшы сифәт кими гәбул едир.
Һәзрәт Әли (ә) бујурур:
“Мүсәлман ҝүнаһкарла достлуг етмәмәлидир. Чүнки ҝүнаһкар дост өз пис ишләрини јахшы гәләмә верир вә чалышыр ки, һамы онун кими олсун. Пис достда нә дүнја, нә дә ахирәтдә фајдасы вар. Онунла ҝет-ҝәл абырсызлыға сәбәб олур.”Имам Садиг (ә) бујурур: “Ҝүнаһкар, ахмаг вә јаланҹы инсанларла достлуг инсана јарашмаз.”
Һәзрәт Пејғәмбәр (с) бујурур: “Инсан өз достунун дининдә оласыдыр.”
Инсан үчүн даим ҝүнаһ горхусу вар. Әммарә нәфс бир ан олсун белә ону раһат бурахмыр. Гәлб ҹисмин һакимијјәт мәркәзидир. О мүһитдән тәсирләнир. О, мәнәвијјат, ибадәт, еһсан мәҹлисләриндә јахшылыға һәвәсләнир. Әксинә, ҝүнаһ мәҹлисинә дүшән кими ҝүнаһа мараг ҝөстәрир.
Нәфсини тәрбијә етмәк гәрарына ҝәлмиш инсан ҝөзүнү вә гулағыны шәһвәт доғуран мәнзәрәләрдән вә сәсләрдән горумалыдыр. Шәраб, гумар, рәгс олан мәҹлисләрдә әммарә нәфс түғјан едир. Она ҝөрә дә Ислам бизә тапшырыр ки, ҝүнаһкар мүһитдән узаг олаг. Һәзрәт Әли (ә) бујурур: “Ҝүнаһ һаггында дүшүнмәк инсаны ҝүнаһа вадар едир.”
