Cənab Rəhbər Ayətullah Xamenei Qazaxıstan Respublikasının İranda səfərdə olan prezidenti Nursultan Nazarbayevi qəbul edib. Cənab Rəhbər görüşdə dünya və regionun aktual məsələlərinə toxunarkən buyurub:
Bəzi güclər, xüsusilə Amerika terrorla mübarizə iddiasında səmimi və ciddi deyil. Amma İslam məmləkətləri səmimi həmkarlıqla bu təhlükəni İslam dünyasından uzaqlaşdıra bilərlər.
Onlar ikili rəftarlarına don geyindirmək üçün terrorizmi yaxşı və pis olmaqla iki qrupa bölürlər.
Avropada törədilən terrorda avropa əsilli insanların iştirakı, avropalıların terror qruplaşmalarına qatılması qərb, xüsusilə Amerikanın terrorla mübarizədə ciddi olmadığını göstərir.
İslam ölkələri bir tərəfdən İslam adı altında, əslində İslama qarşı olan terror qruplaşmaları, digər tərəfdən müsəlman ölkələrin birliyini istəməyən qərb dövlətləri ilə üzbəüzdürlər.
Görüşün sonunda Qazaxıstan prezidenti deyib: Mən sizin İslam dünyasının vəhdəti barədə fikirlərinizlə tam razıyam. Bütün dünyaya göstərməliyik ki, İslam tərəqqi, birlik, terrora qarşı olan dindir.
Vilayet.info
