Имам Казим (ә) зиндана салындығы вахт “нә јахшы ибадәт јеридир”-бујурду.
Сүфрәдә һәм туршу вә истиот, һәм дә конфет вә мүрәббә ола биләр. Ушаглар адәтән ширин шејләрә үстүнлүк верирләр. Һансы ки, турш вә аҹы шејләрин дә фајдасы вар. Бәс аҹы һадисәләрин фајдасы нәдир? Аҹы һадисәләр диггәти Аллаһа јөнәлдир, истедады чичәкләндирир, ҝүнаһлар үчүн ҹәза олур, илаһи немәтләри нәзәрә чарпдырыр.
Һадисәләрә мүнасибәтдә инсанлар үч група бөлүнүр: кими ушаг тәк нараһат олур, кими ҝәнҹләр кими сәбр едир, кими дә јашлылар кими ләззәт алыр. Гурана әсасән, чәтинликләрлә үзләшән вахт кими һај-һарај салыр, кими сәбр едир, кимиси дә разы галыр. (“Мәариҹ”, 20; “Бәгәрә”, 154, 15; “Әһзаб”, 23.)
Бир груп шәхс Ислам пејғәмбәринин һүзуруна ҝәлиб, ҹиһада ҝетмәк истәдикләрини билдирдиләр. Һәзрәт (с) онлара миник вә гылынҹ олмадығыны билдирдикдә чох нараһат олуб ағладылар да. Чәтин һадисәләрдән тәдбир, сәбр, илаһи јардым васитәси илә гуртулмаг олар. Бахын, лимон кими турш мејвәдән лимонад кими шәрбәт дүзәлдилир!
Бәли, маһир ашпаз һәтта портоғал габығындан мүрәббә һазырлајыр. Дүнјада, демәк олар ки, бүтүн туллантылар тәкрар емала гајыдыр.
Һәзрәт Зејнәб (ә) һәтта өз әсирлијиндән истифадә едәрәк залымларын сәлтәнәтини титрәтди. Језид, имам Сәҹҹадын нитги ешидилмәсин дејә, азанын уҹадан дејилмәсини тапшырды. Имам исә һәмин азанын ҹүмләләрини елә тәфсир етди ки, ешидәнләр тәлатүмә ҝәлди. Азанын “шәһадәт верирәм ки, Мәһәммәд Аллаһын рәсулудур” ҹүмләсиндән сонра бујурду: “Еј Језид! Бу Мәһәммәд сәнин бабандыр јохса мәним?! Бу әсирләр онун өвладлары дејилми?!”
İмам Казим (ә) зиндана салындығы вахт “нә јахшы ибадәт јеридир”-бујурду. Бир чох алимләр өз дәјәрли китабларыны мәһз сүрҝүнләрдә вә зинданларда јазмышлар.
