Шрифт өлчүсү:
А+
А
А-
08 Феврал 2014

Имам Казимдән (ә) ибрәтли әһвалатлар

Мөмин гардаша еһтирам

Әбдүлмөмин Әнсари дејир: Имам Казимин (ә) һүзурна јетишдим. Мәһәммәд ибн Абдуллаһ Ҹәфәри дә Имамын (ә) хидмәтиндә иди. Мән Мәһәммәдә тәбәссүм етдим. Бизи мүшаһидә едән Имам (ә) бујурду: “Ону чох истәјирсән?”
Əрз етдим: “Бәли, әлбәттә сизә ҝөрә ону чох истәјирәм.”
Һәзрәт Имам Казим (ә) бујурду: “О сәнин гардашындыр. Мөминләр доғма гардаш кимидирләр, һәтта бир атадан олмасалар белә. (Һамы Адәм вә Һәвванын өвладыдыр.)

Мәлун о шәхсдир ки, гардашына бөһтан ата;
Мәлун о шәхсдир ки, гардашына хәјанәт едә;
Мәлун о шәхсдир ки, гардашыны пис јолдан чәкиндирмәјә;
Мәлун о шәхсдир ки, гардашынын гејбәтини едә.

Әмәлин ији

Имам Казим (ә) бујурду: “Бир нәфәр атам Имам Садигдән (ә) сорушду: Инсан хејир әмәл вә ја ҝүнаһ етмәк истәсә, инсанларын әмәлләринә нәзарәт едән мәләк онун нә етмәк истәдијиндән аҝаһ олур?”
Бујурду: “Хоша ҝәлән әтирли ијлә, пис иј ејнидир?”
Әрз етдим: “Хејр.”
Бујурду: “Инсан јахшы иш ҝөрмәк истәјәндә онун нәфәсиндән ҝөзәл иј хариҹ олар. Амма һәр кимсә пис иш ҝөрмәк истәсә, онун нәфәсиндән пис иј хариҹ олар.”
Беләликлә, мәләкләр јахшы вә ја пис иј васитәсилә анлајырлар ки, инсанын гәсди нәдир. Әҝәр хејир гәсди олса, һәтта јахшы иш ҝөрмәсә белә онун әмәл дәфтәринә саваб јазарлар. Јох әҝәр шәр әмәл гәсди олса, лакин ҝүнаһ иш ҝөрмәјәнә кими онун әмәл дәфрәтинә бир шеј јазмазлар.

Һагг сөз

Имам Казим (ә) шиәләриндән биринә бујурду: “Аллаһдан горх вә һәтта һәјатын баһасына олса белә һаггы де. Сәнин әсил хиласын һәгигәти демәкдәдир. Аллаһдан горх вә батили тәрк ет, һәтта батил сәнин һәјатыны хилас етмиш олса белә. Буну да бил ки, сәнин һәгиги мәһвин батил кәламдадыр.”
Һәзрәт Пејғәмбәр (с) бујурур: “Һагг сөз дејин, һәтта сизин зәрәринизә олса белә.”

Имам Казимдән (ә) тәсирли рәфтар

Бағдадлы хәтиб әһли-сүннә мүһәддисиндән Имам Казим (ә) һагда мараглы бир дастан нәгл едир: Мәдинәдә Өмәр ибн Хәттабын өвладларындан бири Имам Муса ибн Ҹәфәрә (ә) әзијјәт едирмиш вә Имам Әли (ә) һагда пис сөзләр дејәрмиш.
İмам Казимин (ә) тәрәфдарлары о һәзрәтә дејирләр: Иҹаә верин бу кишини өлдүрәк.
Имам Казим (ә) ҹидди шәкилдә онлары бу ишдән чәкиндирир.
İмам Казим (ә) Өмәрин нәслиндән олан о шәхс һагда сорушур вә онун ардынҹа әкин саһәсинә ҝедир. Имам (ә) әкин саһәсинә чатан кими о шәхс фәрјад чәкәрәк дејир: Ајағыны мәним торпағыма гојма!
Имам (ә) она тәрәф ҝедир вә јахынлашыб јанында отурур. Бир аз онунла зарафат едиб ону ҝүлдүрүр. Сонра бујурду: Мән сәнин торпағына ајағымы гојдум, нә гәдәр зәрәрә дүшдүн?
Деди: 100 динар.
Имам (ә) бујурду: Сәнә нә гәдәр хәсарәт верәҹәјими дүшүнүрсә?
Деди: 200 динар.
Имам Казим (ә) она 300 динар верир.
Öмәрин јахынларындан олан киши Имамын (ә) бу рәфтарындан хәҹаләт чәкир вә ајаға галхыб Имамын (ә) өпүб ҝедир.
Имам (ә) мәсҹидә ҝедир вә тәсадүфү һәмин адамы орада ҝөрүр. Һәмин киши Имамы (ә) ҝөрән кими ајаға галхыб белә бир мәшһур ајә охуду ки, Аллаһ-Таала даһа алимдир вә рисаләт үчүн кими сечдијини билир.
İмамын (ә) әтрафындакылар онун бу һәрәкәтиндән тәәҹҹүбләнирләр вә о кишидән бунун сәбәбини сорушурлар. О да әһвалаты олдуғу кими данышыр.

Дилимизә чевирди: Р. Һүсејнов
Nur-az.com



4932 بازدید
در حال ارسال اطلاعات...