Шрифт өлчүсү:
А+
А
А-
22 Феврал 2016

Мән һәзрәт Зәһранын јолуну ҝедирәм

Һәзрәт Фатимә (с) өмрүнүн сонунадәк һеч бир залым һакимә бејәт етмәмишдир
Суал: Һәзрәт Фатимәнин (с) һәзрәт Меһдинин (ә) нүмунәси, идеалы олмасы нә демәкдир?

Ҹаваб: Һәзрәт Меһди (ә) бир мәктубда өз мүбарәк хәтти илә шиәләрә дуадан сонра бир нечә мәсәләјә тохунур: “Һәзрәт Пејғәмбәрин гызы Фатимә мәним үчүн идеал вә јахшы нүмунәдир.” (“Әл-Ғејбәт”, с. 286)
Бәс һәзрәт Меһди (ә) һәзрәт Фатимәнин (ә) һансы сөз вә рәфтарыны нүмунә сајмышдыр? Бәјан олунмуш еһтималлардан үчүнү нәзәрдән кечирәк:
1. Һәзрәт Фатимә (с) өмрүнүн сонунадәк һеч бир залым һакимә бејәт етмәмишдир. Һәзрәт Меһди (ә) дә һеч бир залым һакимин гаршысында өһдәчилик ҝөтүрмәмишдир.
2. Шиәләрдән бәзиләри һәзрәтин имамәтини гәбул етмирдиләр. Һәзрәт онлара ҹаваб олараг бујурур: “Әҝәр иҹазәм олсајды, елә едәрдим ки, һагг сөз ашкарланарды вә һеч бир шүбһә галмазды. Амма мән һәзрәт Зәһранын јолуну ҝедирәм. О ханым һакимијјәт һагсыз јерә Әлидән алынса да, һеч вахт гејри-ади васитәләрдән истифадә етмәди. Мән дә онун јолуну ҝедирәм. Өз һаггымы алмаг үчүн гејри-ади јоллардан фајдаланмырам.”
3. Һәзрәт бујурур: “Әҝәр сизин һидајәтиниз шөвгүндә олмасајдыг, ҝөрдүјүмүз зүлмләр сәбәбиндән сиздән үз дөндәрәрдик.” Һәзрәт ханым Зәһраја (с) ишарә илә бујурур ки, дүшмәнләр һәзрәт Зәһраја (с) нә гәдәр әзијјәт версәләр дә, мүсәлманлар бу зүлм гаршысында суссалар да, ханым һеч вахт мүсәлманлара дуадан әл чәкмәди, һәтта башгаларыны өзүндән үстүн тутду. Мән дә бу зүлмләрә дөзүрәм вә сизә ҹаныјананлығы, дуаны, ҝөстәриши әсирҝәмирәм.


5945 بازدید
در حال ارسال اطلاعات...