Диләнчилик дүнјада әсас иҹтимаи проблемләрдән бири олараг галыр. Бу проблемин Иран Ислам Республикасынын севилән шәһәри Тәбриздә неҹә арадан галдырылдығы мараг доғуран һадисәдир. Шәһәрдә диләнчи јохса бу о демәкдирми ки, һәмин шәһәр әһалиси варлыдыр? Гәтијјән белә дејил. Шәһәрдә диләнчилијин гаршысыны алан илк амил игтисади дурум јох, әһалинин мәдәнијјәтидир. Бәлкә елә бу мәдәнијјәтә ҝөрә Иранын истәнилән нөгтәсиндә Тәбриз шәһәри хош сөзләрлә јад едилир.
Тәбриздә диләнчи јохса, илк нөвбәдә шәһәрдә азтәминатлы аиләләри һимајә едән Тәбриз Хејријјә Ҹәмијјәтинин адыны чәкмәк лазым ҝәлир. Бу иҹтимаи бир гурумдур вә дөвләт тәрәфиндән малијјәләшмир. Бу ҹәмијјәт фәалијјәтә башладығы ҝүндән шәһәрдәки диләнчиләри сијаһыја алыб вә фәрди гајдада бу инсанларла иш апарылыб. Тәбии ки, хејријјә ҹәмијјәтинә дөвләт органлары да дәстәк вериб. Ҹәмијјәтин сабиг администрасија рәһбәри Сәид Ҹәлали дејир ки, Тәбриздә дә һәр јердә олдуғу кими јохсул тәбәгә вар. Амма бу шәһәри башга шәһәрләрдән фәргләндирән ҹәһәт проблемин даим нәзарәтдә сахланмасы, ән әсасы бир диләнчинин бүтүн Тәбриз үчүн ләкә сајылмасы мәдәнијјәтинин јарадылмасыдыр.
Тәбризә гәдәм гојан гонаглар белә бир плакатла растлашыр:
Аллаһын ады илә!
Əзиз гонаглар!
(диләнчисиз ) Шәһәримизә хош ҝәлмисиниз!
Əҝәр тәсадүфән диләнчи илә растлашсаныз лүтфән ҝөстәрилән нөмрәјә зәнҝ вурун...
Вилајет.инфо
