“Аналогсуз террорчу” барәдә сусанлар вә данышанлар…
“Заһидин бир бармағын кәссән, дөнүб һәгдәнгачар
Ҝөр бу мискин ашиги сәрпа сојарлар, ағрымаз” (Нәсими).
Ики ајдыр, јенә азәрбајҹанлы ашиг дири-дири сојулур. Өзү дә Самирәдә јох, Бакыда, өз евимиздә! Дүз ики ајдыр! Ики ајдыр, ганунсуз олараг, о, “бандотдел“дә сахланылыр. Ағлаҝәлмәз ишҝәнҹәләр верилир. Дахили органларынын нечәси вә нә ҹүр сырадан чыхарылыб,билмирик.
Нечә сүмүјү гырылыб, о да намәлум.
Ганун јол версә дә, еви илә, көрпә балалары илә бир кәлмә данышмасына иҹазә вермирләр. Гануна да зүлм едирләр, Тале Бағырзадәјә дә.
Онун үчүн јемәк, палтар ҝөтүрүлмүр. Давамлы ишҝәнҹә алтында сахландығы барәдә сөз сөһбәтләр һәр ҝүн артмагдадыр. Дејирләр, ону електрикә вериб, өз әлејһинә ифадә алмаг, АзТВ–јә чыхармаг истәјирләр, һәлә ки, баҹармырлар. Амма нә гәдәр дөзә биләҹәк? Билмирәм. Асан дејил. Бармағыныза бир тикан батанда ҹијәринизин неҹә јандығыны бирдүшүнүн, бу ашигин исә сөзүн һәр ики мәнасында, ҹијәрләри парчаланыб.
Вә бу дәһшәт бизим ҝөзүмүзүн габағына баш верир! Һамымыз бу дәһшәти унутмаг истәјирик. Унудуласыдырмы?
Бу ҝүн фәдакар вәтәнсевәр Тале Бағырзадәнин ҝүнаһсыз јерә, 3-ҹү дәфә һәбсәатылмасынын ики ајы тамам олур.
Тәкҹә һәбс ҝүнү баш верәнләр јох, ондан әввәл вә сонра ҝүҹ структурларынын давранышы Тале Бағырзадәнин ҝүнаһсызлығыны сүбут едир.
Ишҝәнҹәләр, вәкиллә ҝөрүш имканынын мәһдудлашдырылмасы, һеч бир ачыглама верилмәдән “Бандотдел“дә сахланылмасы, аилә үзвләрилә ҝөрүш верилмәмәси, евә зәнҝ етмәк һүгугунун әлиндән алынмасы, совгат, ҝејим гәбул едилмәмәси… Сизҹә бүтүн бунлар гәрәзин әламәтләри дејилми? Ики ајдыр ҝәрҝин зәһмәтә, монтаж–шантажа бахмајараг, ҝүҹ органлары 7 вәтәндашымызын һәјатына сон гојан о сәриштәсиз әмәлијјатын видеосуну ортаја чыхара билмирсә, демәли, чох да дүшүнмәјә еһтијаҹ галмыр.
***
Һаҹы Таленин башына ҝәләнләр чох ағыр вә дәһшәтли олса да, она верилән иттиһам додаглара ҝүлүш гондурмаг ҝүҹүндәдир. Биз һамымыз 4-5 китаб охумуш адамларыг, террор, террорчулуг нәдир, аз-маз билирик. Зәманәмизин Шәргдән Гәрбә гәдәр ад чыхарантеррорчуларыны да таныјырыг. Онларын һеч бири илә Тале Бағырзадәни тутушдурмаг олмур. Нәүчүн? Бир инҹә мәгама диггәт един: Сиз дөвләт органлары илә мүнасибәт гуран, онларынганунилијини тәсдиг едән вә онунла һесаблашан һансы террорчуну, террор тәшкилатыны таныјырсыныз?
Һансы террор тәшкилаты фәалијјәт ҝөстәрдији өлкәдә гејдә алынмаг үчүн сәнәд һазырлајыб,о өлкәнин Әдлијјә Назирлијинә, јахуд буна бәнзәр гурумуна үз тутуб? Тәсәввүр един,Әјмән Заваһири (“Әл–Гаидә“нин башчысы) Әфганстан Әдлијјә Назирлијинә мүраҹиәт едирки, онларын тәшкилатыны гејдијјата алсынлар.
Јахуд, Әбу Бәкр Бағдади Ираг вә Сурија ҝүҹ органларыны мәһкәмәјә верир ки, онунтәрәфдарларына гаршы ашыры ҝүҹ тәтбиг олунуб. Бәлкә, Нүсрәт ҹәбһәсинин лидери Ҹовланини Сурија полисинә һәфтәдә бир дәфә изаһата чағырырлар, о да ҝедиб изаһат вериб ҝәлир?
Билирәм, бунлары охујуб ҝүлүрсүнүз, амма реаллыгдан савајы бир шеј јазмадым. Ореаллыг ки, әслиндә, биз она ағламалыјыг. Јаһу, бу Тале Бағырзадә неҹә бир террорчу олубки, легал тәшкилат (“Мүсәлман Бирлији” һәрәкаты) јарадыр, ону гејдә алдырмаг истәјир, рәһмәтлик МТН–ин, полисин чағырышына ҝедир, ҝүҹ органларынын өзбашыналығындан прокурорлуға шикајәт едир вә с. Белә адамы олса–олса, анҹаг? аналогсуз террорчу?адландырмаг олар.
Һаҹы Таленин һәбсинин бирҹә мотиви вар: о зүлмлә барышмырды. Бу барышмазлығын даҝизләтмирди, уҹадан бәјан едирди, өзүнүн һәгигәтпәрәст адландыранлары да бунасәсләјирди. Онун һәбси инди тәкҹә һөкумәти раһатлатмајыб, ејни заманда, нә гәдәр “һәгигәтпәрәст” тохдаглыг тапыб. Ахы һаҹы онлары да нараһат едирди. Онларын јаланыныачырды, ҝөстәрирди ки, әмәлсиз ибадәт, ишыгсыз шам кимдир. О, әмәлин ваҹиблијини өнәчәкирди, бу исә чохунун овгатыны тәлх едирди. Бу ҹүр адамлар инди дәстәмазын мүстәһәбвә мәкруһлары барәдә, гүсул алмағын тәртиби барәдә шиддәт вә шөвглә мүбаһисәләр ача,мөизәләр охуја билирләр. Ноолсун ки, онларын “гардаш” дедији адамы инди сәрпа сојрлар. Өзү дә дајанмадан. Ики ајдыр!
“Мултикултурализм или“нә төһфәм
Һејдәр Әлијевин бөјүк гардашы Һәсән Әлијевин хатирәләриндән (1982-ҹи илдә дәрҹолунан “Һәјәҹан тәбили” китабы) мараглы факт ашкарламышам.
Һәсән Әлијев өтән әсрин 50-ҹи илләринин әввәләриндә Талыш дағларына езамијјәтәҝөндәрилир. Ҝәзир, ҝәзир, ҝедиб чыхыр Јардымлыја. Инди исә диггәт.
О јазыр ки, 40-50 евлик бир кәндә јетишир. Кәнддә адамларын ҝөрүнмәмәси ону тәәҹҹүбләндирир.
Кәнд Советинә (јени нәсил үчүн гејд: Кәнд Совети әввәлләр кәндләри идарә едән, бәләдијјәјә бәнзәр тәшкилат иди) јолланыр ки, бәлкә бурда кимсә ола. Јенә һеч кимтапылмыр. Кәндә ушагларла һарај салыныр ки, бәс ахы, Бакыдан ҝәлән вар. Бир аздан башына бәнөвшәји рәнҝдә кәлағајы бағламыш бир гадын ҝәлиб онунла саламлашыр.
Бу, Партија Тәшкилатынын катиби олур.
О, гәрибә вәзијјәт һагда изаһат верир ки, “Мәһәррәм ајы” олдуғундан, ҹамаат башга рајонлара “доланмаға” ҝедиб.
Мүәллиф јазыр ки, бу кәнд башдан–баша сејидләрмиш, јәни онлар башга кәндләрәәзадарлыға јолланыблар.
Ситат:
“Бәс башыны нијә сарымысан, хәстәсән?
Деди ки, јох, ај башына дөнүм, сејидәм, Мәһәррәм ајыдыр, ҹамаатдан ајрылмаг олмаз“.
Бәләликлә, 50-ҹи ил, Сталин һәлә сағды, Партија катиби башыбағлы, сејидләр дә тәзијәдә…
Мәним сөзүм јохду, гардашлар, сөз сизләрдә вә “бандотдел“дәдир, бујурун.
Натиг Ҝүләһмәдоғлу
