İslam alimlərindən biri yazır: Bir gün məsihi xanımlardan biri əri ilə bizə gəlib dedi: Mən İslamla maraqlandım və İslam dininə heyranlıqla bağlandım, amma bir göstərişə görə hələ İslamı tam qəbul etməmişəm. Həmin göstəriş haqda həyat yoldaşımla və müsəlmanlarla danışıqlar apardım. Təəssüflər olsun ki, məni qane edən cavab ala bilmədim. Əgər siz mənə qane edən cavab versəniz, İslamı qəbul edib müsəlman olacağam.
Soruşdum: Sizi qane etməyən göstəriş nədir?
Məsihi qadın dedi: Hicab göstərişidir. Niyə İslam hicabı qadınlar üçün vacib bilir? Niyə qadınlara da kişilər kimi hicabsız çölə çıxmağa icazə verilmir? Hicab qadınları inkişafdan, tərəqqidən saxlayır və cəmiyyət arasında geridəqalmış kimi qəbul olunur.
Mən bu qadının iradlarına qulaq asdıqdan sonra cavab verdim: Siz indiyə kimi qızıl bazarına getmisiniz?
Dedi: Bəli.
Dedim: Hansı səbəb görə qızıl satanlar satdıqları qızıl və s. bahalı mallarını şüşənin arxasında qoyur və qapısını da qıfıllayırlar?
Dedi: Ona görə ki, oğru və xəyanətkarların əli onlara çatmasın.
Bu məqamda din alimi üzünü məsihi xanıma tutub qeyd edir ki, biz müsəlmanların əqidəsinə görə hicabın fəlsəfəsi budur ki, qadın xoş iyli bir güldür, qadın ləl-cəvahirat və qiymətli yaqutdur. Lətif olan qadın, həm də qızıl və ləl-cəvahirat kimidir. Onu namus və iffət oğrusundan qorumaq lazımdır. Eləcə də cinayətkar və fəsad əhlinin gözündən qorunmalıdırlar. Ona görə də qadını mirvari kimi sədəf sandıqçada gizləmək lazımdır ki, onlara tamah salan olmasın. Qadını qoruyan hicabdır. Ləl-cəvahirat necə qorunursa, hicab da qadınları qoruyur. Əgər qadınlar örtünməsə həmişə təcavüz və xətərlə üzbəüz olar. Onlar öz gözəlliklərini göstərməklə özlərini xətərə atmış olurlar.
Bəli qızım, İslamda hicab göstərişi xəyanətkarlardan amanda qalmaq üçündür. Qadınlar örtüklü olanda naməhrəmlər daha onlara tamah salmır. Əksinə onlardan həyat edirlər. Bunların hamısı hicaba görədir. Siz yadda saxlayın ki, qadın hicabda olmayanda həmişə xəyanətkarların təcavüzünə məruz qala bilər. Demək, hicab sənin şərafət və ləyaqətindir. Bəli qızım, bu dediklərim hicab fəlsəfəsinin kiçik bir qismi idi.
Məsihi qadın deyilənləri eşitdikdən sonra fikrə gedir və sonra parlaq çöhrə ilə deyir: Mən indiyə kimi hicab haqda bu qədər gözəl mətləblər eşitməmişdim. Siz çox gözəl bəyan etdiniz. İndi İslamı qəbul edirəm.
Məsihi qadın elə həmin məclisdə kələmeyi-şəhadəti deyib İslamı qəbul etdi.
Əziz oxucu, bu məzhəbi söhbətlərdən aydın oldu ki, İslam qadının pak şəxsiyyətini hifz edir və onu ictimaiyyət arasında qoruyur. Buna görə də İslam hicabı yuxarıda qeyd olunanlar üçün vacib sayır. Həmçinin bu danışıqdan məlum olur ki, bir çox hicabsız qadınlar hicabın həkimanə fəlsəfəsindən agah deyillər. Məsihi qadın kimi sual edib bəhrələnmək fürsətindən istifadə etmək lazımdır. Hicabsızlığın fəsadlarından qafil olmamalıyıq. Yalnız hicab vasitəsilə qadının iffət və şəxsiyyəti qorunur.
Nur-az.com
Dilimizə çevirdi: R. Hüseynov
