ГМИ-нин өлкәдә баш верән дини зәминдә вәтәндашларла маарифчилик , дин вә дөвләт арасында васитәчилик гүдрәти јохдурса, бу гурумун мөвҹудијјәти нәјә хидмәт едир?
Азәрбајҹанын танынмыш вә дәјәрли руһаниләриндән олан һаҹы Сәрдар Һаҹыһәсәнли Нардаранда баш верән һадисәләрлә бағлы мүнасибәтини билдириб
С.Һаҹыһәсәнли өз мүнасибәтиндә белә дејиб:
"Бисмиллаһир-рәһманир-рәһим
Чох дәјәрли Азәрбајҹан халгы! Тәбии ки, сон ҝүнләр өлкәмиздә ҹәрәјан едән һадисәләрдән хәбәрдарсыз. Нардаранда баш верән һадисәләр вә һадисәләрин халга тәгдимат формасы олдугҹа тәссүфедиҹи вә үрәк ағрыдыҹыдыр. Тәссүф едәҹәјимиз мәсәлә һеч кимә лазым олмајан сенаринин сүни шәкилдә ишләнилмәси , һеч бир әсасы олмајан мәсәләнин шиширдилмәси вә ҹәмијјәтә өлкәдә бөјүк тәһлүкә мөвҹудлуғунун сырынмасыдыр. Һадисәнин үрәк ағрыдан тәрәфи исә ,әмәлијјатын там нашылыгла һәјата кечирилмәси јахуд кимләринсә хүсуси мәгсәдинә хидмәт етмәсинин мүмкүнлүјүдүр. Азәрбајҹанда һеч вахт дин тәһлүкә мәнбәји олмамышдыр вә бу ҝүндә реаллыгда белә бир тәһлүкә јохдур. Амма ҝөрүнүр бу ҝүн "гашынмајан јердән ган чыхартмаг" кимләрәсә һава вә су кими лазымдыр. Мән мәсәләнин тәфәррүатындан там хәбәрдар олмасамда, һәр бир вәтәндаша јаранан суаллар мәним үчүн дә суал олараг галыр. Тәбии ки, бу суалларын ҹавабын тапмаг үчүн истинтагын објективлијинә еһтијаҹ дујулур.
1.Сөзү ҝедән мәсәлә вә јашанан олај доғурданда дедијиниз гәдәр ҹидди бир тәһлүкә идими?
2.Һадисәләрдә апарыҹы шәхс кими ҝөстәрдијиниз Тале Бағыров һәбсдән азад олдуғу 4 ај мүддәтиндә доғурданда КИВ-ләрин васитәси илә халга тәгдим етдијиниз гәдәр тәһлүкә мәнбәјинә чеврилмәји баҹармышдымы?
3. Тале Бағыровун һәбс едилмәси өлкәдә мөвҹуд олан јолларла - бөлмәјә чағырыш вә иттиһам ирәли сүрмә әсасында - сахланылмасы мүмкин дејилдими? Онун доғма гардашы полис әмәкдашыдыр, ҝөрәсән гардашынын васитәси илә ону полис бөлмәсинә чағрылмасыны мүмкинсиз едән сәбәб нәдир? Билдијимиз гәдәр О, Јасамал полис идарәсинә мәһз елә бу јолла дәвәт едилмиш вә сәрбәст бурахылмышдыр.
4.Сөзү ҝедән һадисәдә ҹан тәлафаты олмадан мәсәләнин һәллинә чатмаг үчүн бүтүн јоллар бағланмышдырмы? Мәсәлән, Гафгаз Мүсәлманлар Идарәсинин (ГМИ) рәһбәрлији ја сәлаһијјәтли нүмајәндәләринин һәбс олунан шәхсләрин истинтага тәслим олмасы үчүн васитәчилији даһа ујғун сечим олмаздымы? ГМИ-нин өлкәдә баш верән дини зәминдә вәтәндашларла маарифчилик , дин вә дөвләт арасында васитәчилик гүдрәти јохдурса, бу гурумун мөвҹудијјәти нәјә хидмәт едир? Һабелә бу ҝүн мәһкәмәдә објектив шәкилдә мәсәләнин маһијјәти ајдынлашмадан хидмәтә ҝөтүрүлмүш "дин хадимләри" һадисә јаранмадан шүбһәли билинәнләри тәслим олмаға дәвәт етсәјдиләр даһа Аллаһ бәјәнән олмаздымы?
5.Билдијиниз кими Нардаран кәнди бөјүк-кичик таныјан, ағсаггал сөзү илә отуруб-дуран бир кәнддир. Белә олдугда сөзү ҝедән инсанларын динҹ јолла истинтага ҹәлб олунмасы үчүн ағсаггалларла данышглар апармаг фајдалы олмаздымы? Јохса ган төкмәк зәрурәти вар иди?
6.Ејни һалда һадисәдән сонра кәнд әһалисинә тәзјигләрин артырылмасы, о ҹүмләдән су,газ,ишыг вә јанаҹаг тәминатынын кәсилмәси, 9 миндән артыг әһалиси гоҹасы,ушағы, көрпәси олан кәнд сакинләри, елан едилмиш бир мүһарибәјә бәнзәмирми? Ҝөрүнүр даһа бир дәфә халгы јаранан шәраитә етираз етмәк үчүн топланмаға вадар едәнләр бу дәфә јени ҝөрүнтүләр әлдә едиб башладыглары сенаринин даһа ҹидди бир мәсәлә олдуғуну кимләрәсә сүбут етмәк фикриндәдирләр. Бурасы мәкирли ојуна хидмәт етмирми? Үмидварыг ки, һачанса сөзү ҝедән мәсәлә халгымыза там тәфәррүаты илә ајдынлашаҹаг.
Бүтүн бунлары нәзәрә алараг Азәрбајҹан инсанынын өлүмүнә аҹыјыр , мәрһумларын аиләсинә Аллаһдан сәбир диләјирәм."/Маиде /
Сәрдар Һаҹыһәсәнли
