Шрифт өлчүсү:
А+
А
А-
15 Јанвар 2014

Ики дирһәмин сирри

Һәзрәт Пејғәмбәрин (с) сәһабәләриндән олан Сәд чох касыб иди. О бүтүн намазларыны Пејғәмбәрин (с) архасында гыларды.
Һәзрәт Пејғәмбәр (с) онун фәгир олмасындан чох нараһат иди. Бир ҝүн она вәд верир ки, әҝәр әлимә пул ҝәлсә сәнин бу вәзијјәтдән чыхмағына көмәклик едәҹәм. Бир мүддәт кечир, амма пулдан хәбәр олмур. Сәдин бу вәзијјәтинә Пејғәмбәр (с) даһа да нараһат олур. Бу вахт Ҹәбраил назил олур. Өзү илә ики дирһәм ҝәтириб Пејғәмбәрә әрз едир: Аллаһ-Таала бујурур: “Биз сәнин Сәдин фәгир олмасына ҝөрә нараһатлығындан хәбәрдарыг. Әҝәр истәјирсәнсә Сәд бу вәзијјәтдән чыхсын бу ики дирһәми она вер вә де ки, алвер етсин.”
Һәзрәт Пејғәмбәр (с) ики дирһәми алыр вә ҝүнорта намазы гылмаг үчүн евдән чыхыр. О һәзрәт, Сәди ону мәсҹидин һүҹрәләринин бириндә ҝөзләдијини ҝөрүр.
Бујурду: “Тиҹарәтлә мәшғул ола биләрсән?”
Әрз етди: “Аллаһа анд олсун ки, тиҹарәт үчүн пулум јохдур.”
Пејғәмбәр (с) ики дирһәми она вериб бујурду: “Бу ики дирһәми әлиндә сәрмајә ет вә алверлә мәшғул ол.”
Сәд пулу Пејғмбәрдән алыр вә намаз гылмаг үчүн мәсҹидә ҝедир. Беләликлә, Сәд алверлә мәшғул олмаға башлајыр. Аллаһ-Таала онун тиҹарәтинә бәрәкәт әта едир. Бир дирһәмә алдығыны, ики дирһәмә сатырды. Ҝүнбәҝүн сәрмајәси артырды. Белә ки, мәсҹидин дүканыны алыр вә өз малларыны орада сатмаға башлајыр. Башы о гәдәр тиҹарәтә гарышыр ки, Билал азан верәндә даһа намаза тәләсмирди. Бахмајараг ки, мадди вәзијјәти пис оланда азандан габаг намаза һазырлашарды.
Һәзрәт Пејғәмбәр (с) бујурду: “Еј Сәд, башын дүнја малына јаман гарышыб, даһа дини вәзифәни јеринә јетирмирсән.”
Деди: “Нә едим, малларымы хараб едә билмәрәм. Истәјирәм ки, сатылан малларын пулуну јығым вә о бири тәрәфдән дә дүкан үчүн алдығым малларын пулуну вериб ҝөтүрмәлијәм.”
Пејғәмбәр (с), Сәдин дүшдүјү бу һала чох нараһат олур. Бу ан Ҹәбраил назил олуб әрз едир: Аллаһ-Таала бујурур: “Сәнин нараһатлығындан аҝаһыг. Сәд үчүн һансы һалы рәва билирсән?”
Һәзрәт Пејғәмбәр (с) деди: “Кечмиш һалы (фәгирлик) онун үчүн јахшы иди.”
Ҹәбраил деди: “Бәли, инсанын дүнјаја бағлылығы ону ахирәтдән гафил едир. Инди она вердијин ики дирһәми ҝери ал.”
Пејғәмбәр (с) Сәдин јанына ҝедиб бујурду: “Сәнә вердијим ики дирһәми гајтармырсан?”
Əрз етди: 200 дирһәм дә истәсәниз верәрәм.
Бујурду: “Хејр, алдығын ики дирһәми истәјирәм.”
Сәд ики дирһәми Пејғәмбәрә (с) гајтарыр. Чох  кечмир ки, Сәдин мадди вәзијјәти әввәлки вәзијјәтә гајыдыр.

Nur-az.com
Дилимизә чевирди: Р. Һүсејнов


5216 بازدید
در حال ارسال اطلاعات...